މޯލްޑިވްސް މީޑިއާ ކައުންސިލް (އެމްއެމްސީ) އިން ބޭއްވި މިއަހަރުގެ ނޫސްވެރިކަމުގެ އިނާމުގެ ފަނޑިޔާރުން ދިން މާކްސްތަކުގެ ތަފްސީލާއި ރުބްރިކްސް އަދި ފަނޑިޔާރުންގެ ރިޕޯޓު އެ އިދާރާއިން އާންމުކޮށްފިއެެވެ.
އެމްއެމްސީން އެކްސްގައި ހިއްސާ ކުރި ޕޯސްޓެއްގައި ވަނީ އެވޯޑު ތަކަށް ކުރިމަތިލާފައިވާ ފަރާތްތަކަށް ފަނޑިޔާރުން ދިން މާކްސްތަކުގެ ހުރިހާ މައުލޫމާތެއް އެކުލެވޭ ޝީޓު ހިއްސާކޮށްފައިވަނީ ނޫސްވެރިކަމުގެ އިނާމަށް އިންސާފުކުރި ގޮތާމެދު ގިނަ ބައެއްގެ ފާޑުކިޔުންތަކެއް އަމާޒުވެފައިވާ ދަނޑިވަޅެއްގައެވެ.
ނޫސްވެރިކަމުގެ އެވޯޑުގައި އެންމެ ބޮޑަށް މައްސަލަ ދިމާވި، ނޫސްވެރިކަމުގެ އެވޯޑްގައި އޯޑިއޯ ވީޑިއޯ ކެޓަގަރީގެ ތަހުގީގީ ނޫސްވެރިކަމުގެ އިނާމު ދީފައިވާ ‘އަދަދު’ ނޫހުން ތައްޔާރު ކުރި ‘ސްކީލާން’ ރިޕޯޓަށް ލިބިފައިވާ މާކްސްތައް ވެސް މި ރިޕޯޓުގައި ހިމަނާފައިވާއިރު އެ ކެޓަގަރީން ހަމައެކަނި އެ އެވޯޑަށް ހުށަހަޅާފައި ވަނީ ވެސް އެ ރިޕޯޓަށުކަން ފާހަގަކޮށްލެވެއެވެ.
މޯލްޑިވްސް މީޑިއާ ކައުންސިލުން އުސޫލުން ބޭރުން ނޫސްވެރިންގެ އިނާމު ދިން މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ދަނީ ބަލަމުންނެވެ.
