ރޭ ހައްޔަރުކުރި ބޭފުޅުން ސަލާމަތް ކުރުމަށް އިންޑިއާގެ އަސްކަރިއްޔާގެ އެހީތެރިކަމަށް ކުރީގެ ރައީސް މުހައްމަދު ނަޝީދު މިއަދު އެދިވަޑައިގެންފި އެވެ.
އެމަނިކުފާނު ކުރެއްވި ޓްވީޓެއްގައި ވިދާޅުވީ، ދިވެހި ރައްޔިތުންގެ ފަރާތުން އެމަނިކުފާނު އިންޑިއާ ސަރުކާރުގައި އެދެނީ އިންޑިއާގެ މިލިޓަރީ ހިމެނޭ ގޮތަށް، އިންޑިއާގެ ހާއްސަ މަންދޫބެއް ފަނޑިޔާރުންނާއި ކުރީގެ ރައީސް މައުމޫން ސަލާމަތް ކުރެއްވުމަށް ފޮނުއްވުމަށެވެ.
އެމެރިކާ އިން ދިވެހި ސަރުކާރުގެ އިސްވެރިންގެ މާލީ މުއާމަލާތްތައް ހުއްޓުވައި ދިނުމަށް ވެސް ރައީސް ނަޝީދު ވަނީ އެދިވަޑައިގެންފައެވެ.
ނަޝީދު މިގޮތަށް ގޮވާލައްވަވާފައިވާއިރު ދުނިޔޭގެ ގައުމުތަކުން ދަނީ ރާއްޖޭގައި އިއުލާން ކޮށްފައިވާ ކުއްލި ނުރައްކަލުގެ ހާލަތު ނިމުމަކަށް ގެނައުމަށް ގޮވާލަމުންނެވެ.
