ދަނގެތި ދާއިރާގެ މެމްބަރު އިލްހާމް އަހުމަދާއި މައްޗަންގޮޅީ ދެކުނު ދާއިރާގެ މެމްބަރު ސިނާން ރާއްޖެ ވަޑައިގަތުމާއެކު ފުލުހުންގެ ބެލުމުގެ ދަށަށް ގެންގޮސްފިއެވެ.
އިލްހާމާއި ސިނާން ގިނަ ދުވަސްތަކެއް ވަންދެން ރާއްޖެއިން ބޭރުގައި އުޅުއްވުމަށް ފަހު ވަޑައިގެންނެވިއިރު، އެ ދެބޭފުޅުން ހޯދުމަށް މިދިޔަ މަހުގެ 31 ވަނަ ދުވަހު ފުލުހުން ވަނީ އިއުލާން ކޮށްފައެވެ.
ދެ ބޭފުޅުން ރާއްޖެ ވަޑައިގަތްއިރު، އެ ބޭފުޅުންގެ ގޮނޑި ގެއްލިފައިވާ ކަމަށް އިލެކްޝަން ކޮމިޝަން (އީސީ)އިން ނިންމި ނިންމުން ސުޕްރީމް ކޯޓުގެ އަމުރަކުން ވަނީ ބާތިލުކޮށްފަ އެވެ. އަދި އެ ދެ ބޭފުޅުން ހައްޔަރުކުރަން ކުރިމިނަލް ކޯޓުން ނެރުނު އަމުރު އެ ކޯޓުން ވަނީ ބާތިލްކޮށްފަ އެވެ.
އެ ދެ ބޭފުޅުން ހޯދަނީ، މަޖިލީހުގެ ބައެއް މެމްބަރުންނަށް ރިޝްވަތު ދިނުމުގެ ތުހުމަތުގައި، ދިއްގަރު ދާއިރާގެ މެމްބަރު އަހްމަދު ފާރިސް މައުމޫންގެ މައްޗަށް ތުހުމަތުކުރެވޭ މައްސަލައާ ގުޅިގެން ކަމަށް ފުލުހުން ބުނެފައިވެއެވެ.
މެމްބަރު އިލްހާމާއި ސިނާނަކީ މަޖިލީހުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައެޅި އިދިކޮޅު 12 މެމްބަރުންގެ ތެރޭގައި ހިމެނިވަޑައިގަންނަވާ ދެ ބޭފުޅުންނެވެ. ދެ ބޭފުޅުން ރާއްޖެ ވަޑައިގަތްއިރު، އެ ބޭފުޅުންގެ ގޮނޑި ގެއްލިފައިވާ ކަމަށް އިލެކްޝަން ކޮމިޝަން (އީސީ)އިން ނިންމި ނިންމުން ސުޕްރީމް ކޯޓުގެ އަމުރަކުން ވަނީ ބާތިލުކޮށްފަ އެވެ. އަދި އެ ދެ ބޭފުޅުން ހައްޔަރުކުރަން ކުރިމިނަލް ކޯޓުން ނެރުނު އަމުރު އެ ކޯޓުން ވަނީ ބާތިލްކޮށްފަ އެވެ.
