ކުރިއަށް އޮތް ބޮޑު އީދާ ދިމާކޮށް ސަރުކާރު މުވައްޒަފުންނަށް މެދުނުކެނޑި ދިގު ޗުއްޓީއެއް ލިބޭ ގޮތަށް، މި މަހުގެ 24 އަދި 25 ވަނަ ދުވަހަކީ ސަރުކާރު ބަންދު ދުވަސްތަކެއްގެ ގޮތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖައްސަވައިފިއެވެ.
ރައީސް އޮފީހުން ބުނީ މެއި 24 ވާ އާދީއްތަ ދުވަހާއި 25 ވާ ހޯމަ ދުވަސް ބަންދުކުރުމަށް ރައީސް ނިންމެވީ މުވައްޒަފުންނަށް އާއިލާއެކު ގިނަ ވަގުތު ހޭދަކުރުމުގެ ފުރުސަތު ދިނުމުގެ ގޮތުން ކަމަށެވެ. މި ބަދަލާއެކު، ބޮޑު އީދުގެ ޗުއްޓީއަށް ފަހު ސަރުކާރު އޮފީސްތައް ދެން ހުޅުވޭނީ މި މަހުގެ 31 ވާ އާދީއްތަ ދުވަހު ކަމަށް ވެސް ރައީސް އޮފީހުން ބުންޏެވެ.
ކަލަންޑަރުގައި އޮންނަ ގޮތުން މިއަހަރުގެ ހައްޖު ދުވަހަކީ މި މަހުގެ 26 ވާ އަންގާރަ ދުވަހެވެ. އަދި ބޮޑު އީދު ދުވަހަކީ އޭގެ އަނެއް ދުވަސް ކަމަށްވާ 27 ވާ ބުދަ ދުވަހެވެ. އެހެންކަމުން ކުރިން އޮތް ބަންދު ދުވަސްތަކާއި އަލަށް އިތުރުކުރި ދެ ދުވަހާއެކު މުވައްޒަފުންނަށް ބޮޑު ޗުއްޓީއެއް ލިބިގެންދާނެއެވެ.
ބޮޑު އީދަކީ ރާއްޖޭގައި ވަރަށް ކުލަގަދަކޮށް ފާހަގަކުރާ ދުވަސްވަރަކަށް ވާއިރު، މިގޮތަށް ދިގު ޗުއްޓީއެއް ލިބުމަކީ ގިނަ ބަޔަކަށް ލިބިގެންދިޔަ ވަރަށް ބޮޑު އުފަލެކެވެ. މި ބަންދާ ދިމާކޮށް ގިނަ ބަޔަކު ރަށްރަށަށާއި ރާއްޖެއިން ބޭރަށް ދަތުރުކުރުމަށް މިހާރުވެސް ދަނީ ތައްޔާރުވަމުންނެވެ.
