އެސްއޭއެސް މެޑިކަލް ކޮލެޖްގެ ނަމުގައި ދަރިވަރުން ނެގުމަށް ކުރަމުންދާ އިޝްތިހާރުތަކާ މެދު ސަމާލުވުމަށް އެޑިއުކޭޝަން މިނިސްޓްރީ އިން އަންގައިފިއެވެ.
އެ މަރުކަޒަކީ ރާއްޖޭގެ ގާނޫނުތަކުގެ ދަށުން ރަޖިސްޓްރީ ކޮށްފައިވާ ތަނެއް ނޫން ކަމަށް އެ މިނިސްޓްރީ އިން ބުންޏެވެ.
ގާނޫނުގައިވާ ގޮތުން ރަޖިސްޓްރީ ކޮށްފައިވާ މަރުކަޒަކުން ނޫނީ ކޮލެޖެއްގެ ނަމުގައި އިޝްތިހާރު ކުރުމަކީ މަނާ ކަމެކެވެ. އެހެންކަމުން ހުއްދަ ނެތި މިފަދަ އިޝްތިހާރުތައް ކުރުމަކީ ގާނޫނާ ހިލާފު އަމަލެކެވެ.
އެއްވެސް ކޯހެއްގައި ބައިވެރިވުމުގެ ކުރިން އެ ތަނަކީ މިނިސްޓްރީގައި ރަޖިސްޓްރީ ކޮށްފައިވާ ތަނެއްތޯ ބެލުމަށް އެޑިއުކޭޝަން މިނިސްޓްރީ އިން އިލްތިމާސް ކުރިއެވެ. އާންމުން މިފަދަ ކަންކަމަށް ސަމާލުވުން މުހިންމު ކަމަށް އެ މިނިސްޓްރީ އިން ބުންޏެވެ.
