އައްޑޫ ސިޓީ ފޭދޫއާ ކައިރިން ބޭރުގައި އޮތް ސަފާރީއެއްގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވާން ފަށައިފިއެވެ. މި ހާދިސާ ހިނގާފައިވަނީ ފޭދޫ ބޭރުގައި އޮތް ސަފާރީއެއްގައެވެ.
ގައުމީ ދިފާއީ ބާރުން ބުނީ، މި ހާދިސާގެ މައުލޫމާތު ލިބުމާއެކު އެމްއެންޑީއެފް ސަދަން އޭރިއާ ކޮމާންޑުގެ ސިފައިން ވަގުތުން އެ ސަރަހައްދަށް ގޮސް ހަރަކާތްތެރިވަމުން އަންނަ ކަމަށެވެ. އަދި ސަފާރީގައި ރޯވެފައިވާ އަލިފާން ނިއްވުމުގެ މަސައްކަތާއި އެ ސަރަހައްދުގައި އެހީތެރިކަން ފޯރުކޮށްދިނުމުގެ މަސައްކަތް ސިފައިން އަންނަނީ ކުރަމުންނެވެ.
މި ހާދިސާގައި އެއްވެސް މީހަކަށް އަނިޔާއެއް ލިބުނު ކަމެއް ނުވަތަ ސަފާރީއަށް ލިބުނީ ކިހާވަރެއްގެ ގެއްލުމެއް ކަމެއް ސިފައިން އަދި ހާމަކޮށްފައެއް ނުވެއެވެ. މީގެ އިތުރުން ސަފާރީގައި އަލިފާން ރޯވާން މެދުވެރިވި ސަބަބު ވެސް މިހާތަނަށް އެނގިފައެއް ނުވެއެވެ.
