އޭއޯ ރޯދައިގެ ބަދިގެ އަކީ ކޮންމެ އަހަރެއްގެ ވެސް ރަމަޟާން މަހަށް ޚާއްޞަ ކޮށްގެން އޭއޯ ނިއުސް އިން ގެނެސްދޭ ޚާއްޞަ ކޮލަމެކެވެ. މި ގޮތުން ރޯދަ މަހުގެ 26ވަނަ ދުވަހަށް ޚާއްޞަ ކޮށްގެން މިގެނެސްދެނީ ވަރަށް ތަފާތު އަދި މީރު “ ސްޓްރޯބެރީ ލެމަނޭޑް” ތައްޔާރުކުރާނެ ގޮތެވެ.
ބޭނުންވާނެ ތަކެތި:
1/2 ޖޯޑު ލުނބޯ ހުތް
1/3 ތަށި ހަކުރު
1/3 ތަށި ފެން
3 ސްޓްރޯބެރީ (ކުދިކޮށް ކޮށާފައި)
20-30 މިންޓް ލީވްސް
5 އައިސް ކިއުބް
ތައްޔާރުކުރާނެ ގޮތް:
އެންމެ ފުރަތަމަ ސިރަޕް ހެދުމަށް، ތެއްޔަކަށް ހަކުރު އަދި ފެން އަޅައި އެއްކޮށްލާށެވެ. މެދު ގިނީގައި 5-10 މިނެޓު ވަންދެން ހަކުރު ވިރެން ދެން ކައްކާލާށެވެ.
ދެން ތައްޓަކަށް ލުނބޯ ޖޫސް، ކުރިން ތައްޔާރުކުރި ސިރަޕް، ސްޓްރޯބެރީ، މިންޓް ލީފް އެޅުމަށް ފަހު ރަހަ ނިކުންނަ ވަރަށް ޗަސްކޮށްލާށެވެ. އެއަށް ފަހު ފެނާއި އައިސް ކިއުބް އަޅައި އެއްކޮށްލާށެވެ.
