އުމުރުން ދުވަސްވީ މީހަކު މަރުވެފައި އޮއްވައި ށ. ކޮމަންޑޫ މަގުމަތިން ފެނިއްޖެއެވެ.
ފުލުހުން ވިދާޅުވީ އެމީހާ މަގުމަތީގައި އޮތްކަމުގެ މައުލޫމާތު ލިބިފައިވަނީ ރޭ ފަތިހު 4:45 އެހައިކަންހާއިރު ކަމަށެވެ. އޭނާ ގޮވައިގެން އެރަށު ސިއްހީ މަރުކަޒަށް ގެންދިޔައިރުވެސް މަރުވެފައިވާ ކަމަށް ޑޮކްޓަރާ ހަވާލާދީ ފުލުހުންވަނީ ވިދާޅުވެފައެވެ.
ކޮމަންޑޫ މަގުމައްޗަށް ވެއްޓިފައި އޮއްވައި ފެނިފައިވަނީ އުމުރުން 72 އަހަރުގެ ފިރިހެނެކެވެ. އޭނާއަކީ ވަރަށްމަދުން ނޫނީ މަގުމައްޗަށް ނުކުމެ އުޅޭމީހެއް ނޫންކަމަށްވެސް މައުލޫމާތު ލިބިފައިވެއެވެ.
