އައިކެއާ އޮޕްޓިކަލްސްއިން ކުރިއަށްގެންދާ “ވިން އަ ރަމަޟާން އުމްރާ ޓްރިޕް” ޕްރޮމޯޝަންގެ މުއްދަތު ހަމަވާން ގާތްވަމުންދާ އިރު، މި ފުރުސަތުގެ ބޭނުން ހިފުމަށް ހުރިހާ ކަސްޓަމަރުންނަށް އެ ކުންފުނިން ދައުވަތު އަރުވައެވެ.
އައިކެއާ އިން ބުނީ ޖެނުއަރީ 31، 2026 ގެ ނިޔަލަށް ކުރިއަށްދާ މި ޕްރޮމޯޝަންގެ ދަށުން، ގުރުއަތުން ހޮވޭ ނަސީބުވެރިއަކަށް ރަމަޟާން މަހު ދެ މީހަކަށް އުމްރާ ދަތުރެއް ކުރުމުގެ ފުރުސަތު ލިބިގެންދާނެ ކަމަށެވެ.
އައިކެއާގެ ކޮންމެ އައުޓްލެޓަކުންވެސް 1,000 ރުފިޔާއިން ފެށިގެން މަތިން ވިޔަފާރި ކުރާ ކޮންމެ ކަސްޓަމަރަކަށްވެސް މި ޕްރޮމޯޝަންގައި ބައިވެރިވެވޭނެއެވެ. ކުރާ ކޮންމެ 1,000 ރުފިޔާއެއްގެ ވިޔަފާރިއަކަށް ކޫޕަނެއް ލިބޭނެއެވެ. މި ކޫޕަންތައް ފުރުމަށްފަހު އައުޓްލެޓްތަކުގައި ހުންނަ ފޮށްޓަށް ވައްޓާލަންވާނެއެވެ.
އައިކެއާއިން ބުނީ އުމްރާ ދަތުރުގެ އިތުރުން، ޖެނުއަރީ މަހުގެ ނިޔަލަށް އައިކެއާއަށް ޒިޔާރަތްކުރާ ކަސްޓަމަރުންނަށް، ހޮވާލެވިފައިވާ ބައެއް ބްރޭންޑްތަކުގެ އައިނުން 30 އިންސައްތައާ ހަމައަށް ޑިސްކައުންޓް ލިބޭނެއެވެ. މިއީ ކަސްޓަމަރުންނަށް ފެންވަރު ރަނގަޅު އައިނު ހެޔޮ އަގުގައި ހޯދުމަށް ފަހިކޮށްދޭ ފުރުސަތެއްކަމަށް އައިކެއާއިން ވަނީ ބުނެފައެވެ.
މި ޕްރޮމޯޝަން އަކީ ކަސްޓަމަރުންނަށް ލޮލުގެ ފަރުވާ ލިބޭނެ އިންތިޒާމު އިތުރަށް ފަސޭހަކޮށް، އަގުހުރި ތަޖުރިބާތަކެއް ފޯރުކޮށްދިނުމަށް އައިކެއާއިން ކުރާ މަސައްކަތުގެ ދަށުން ކުރިއަށްގެންދާ ޕްރޮމޯޝަނެކެވެ.
މި ޕްރޮމޯޝަންގެ ގުރުއަތުލުން އޮންނާނީ 2026 ފެބްރުއަރީ މަހުގެ ފުރަތަމަ ހަފުތާގައި އައިކެއާގެ މެނޭޖްމަންޓްގެ ހާޒިރުގައެވެ. ނަސީބުވެރިޔާގެ މައުލޫމާތު އައިކެއަރގެ ރަސްމީ ވެބްސައިޓާއި ސޯޝަލް މީޑިއާ މެދުވެރިކޮށް އާންމުކުރެވޭނެއެވެ.
