ހެލްތު މިނިސްޓްރީން ހާމަކުރި ގޮތުގައި މި އެލަވަންސް ދޫކުރާނީ ތެލެސީމިއާ ކުދިންގެ ދަފުތަރުގައި ރަޖިސްޓްރީވެފައިވާ ކުދިންގެ ތެރެއިން، އެކަމަށް ކަނޑައަޅާފައިވާ އުސޫލުތަކާ އެއްގޮތަށް ޝަރުތު ހަމަވާ ފަރާތްތަކަށެވެ. މިއީ ސަރުކާރުން އެކުލަވާލާފައިވާ ގަވައިދެއްގެ ދަށުން ދެވޭ އެހީއެއް ކަމަށާއި، މި ފައިސާ ލިބޭނީ އެކަމަށް އެދި ހުށަހެޅުމުން ކަމަށް އެ މިނިސްޓްރީން ބުންޏެވެ.
މި އެލަވަންސް ހޯދުމަށް ޝަރުތު ހަމަވާ ފަރާތްތަކުން “ވަން ގަވް” ޕޯޓަލް މެދުވެރިކޮށް ތެލެސީމިއާ ދަފުތަރުގައި ރަޖިސްޓްރީވުމަށް މިނިސްޓްރީން ވަނީ އެދިފަ އެވެ. ރާއްޖޭގައި ތެލެސީމިއާ ކުދިން އުފަންވުން ހުއްޓުވުމަށް ސްކްރީން ކުރުމުގެ ޕްރޮގްރާމްތައް ފުޅާކޮށްފައިވީ ނަމަވެސް، އަދިވެސް މި ބަލި ހުންނަ ކުދިން އުފަންވަމުންދާކަން ފާހަގަކޮށްލެވެ އެވެ.
