ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ޗެއާމަންގެ މަގާމުގައި ހުންނެވި އަހުމަދު ނާސިފް (ޑީޑީ) އެމަގާމުން ވަކިކޮށް ވެމްކޯގެ ޗެއާމަން ކަމުގެ މަގާމަށް އައްޔަން ކޮށްފިއެވެ.
ޕީސީބީ އިން ބުނީ އެޗްޑީސީގެ ޗެއާމަން ކަމުގެ މަޤާމުގައި ހުންނެވި ނާސިފް، އެ މަގާމުން ވަކިކޮށް ވެމްކޯގެ ޗެއާމަން ކަމުގެ މަޤާމަށް މިއަދު އައްޔަންކޮށްފައިވަކަމަށެވެ. އެހެންނަމަވެސް އެ ބަދަލު ގެނައި ސަބަބުން ޕީސީބީއިން ހާމަކޮށްފައެއް ނުވެއެވެ.
ނާސިފް އެޗްޑީސީގެ ޗެއާމަންގެ މަގާމަށް އައްޔަން ކުރެއްވީ މިދިޔަ އަހަރުގެ ނޮވެމްބަރ 06 ވަނަ ދުވަހު އެވެ. އޭގެ ކުރިން އޭނާ ހުންނެވީ ރީޖަނަލް އެއާޕޯޓްސް ކުންފުނީގެ ޗެއާމަންގެ މަގާމުގައެވެ.
