އާ އަހަރު ފާހަގަކުރުމަށް މިރޭ ސެންޓްރަލް ޕާކުގައި ހަވާ އަރުވަން ނިންމާފައިވާ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފް އިން ބުނީ ހުޅުމާލޭ ސެންޓްރަލް ޕާކުގައި މިރޭ 23:59 ގައި ހަވާ އެރުވުމަށް ހަމަޖެހިފައިވާކަމަށާއި، މި ހަރަކާތް ކުރިއަށް ދާނީ 5 މިނެޓެއް ހާއިރު ކަމަށް އެމްއެންޑީއެފް އިން ވަނީ ބުނެފައެވެ.
އާ އަހަރު ފުރޭ މުނާސަބަތާއި ގުޅިގެން އެމްއެމްޕީއާރްސީ އިންވެސް ވަނީ ކުލަގަދަ ހަފްލާތަކެއް ބޭއްވުމަށް ނިންމާފައެވެ. އެގޮތުން އަންގާރަ ދުވަހުގެ ރޭ 20:00 އިން ފެށިގެން 00:00 އަށް އަދި ޖެނުއަރީ 1 ވާ ބުދަ ދުވަހުގެ ހަވީރު 16:00 އިން ފެށިގެން އެރޭ 22:00 އާ ހަމައަށް މި ހަލްފާގެ އިވެންޓުތައް ކުރިއަށް ދިއުމަށް ވަނީ ނިންމާފައެވެ.
