ހައުސިން މިނިސްޓްރީ ހިންގަމުން އަންނަ އިމާރާތުގައި ރޯވި އަލިފާންގަނޑުގެ ސަބަބުން އެ ސަރަހައްދުގައި ދިރިއުޅެމުންދާ ފަރާތްތައް ވަގުތީ ގޮތުން ސޯޝަލް ސެންޓަރަށް ބަދަލުކޮށްފިއެވެ.
ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ (އެންޑީއެމްއޭ) އިން ބުނީ މިނިސްޓްރީ އޮފް ކްލައިމެޓް ޗޭންޖް، އެންވައިރޮންމަންޓް އެންޑް އެނާޖީ ހިންގާ ގްރީން ބިލްޑިންގް ހުރި ސަރަޙައްދުގައި އަލިފާނުގެ ހާދިސާއެއް ހިނަގައިގެން އުޅޭތީ އެކަން ބަލަމުން އަންނަކަމަށެވެ.
މީގެ އިތުރުން އެންޑީއެމްއޭ އިން ބުނީ އިމަންޖަންސީ އިވެކިއުއޭޝަން ސެންޓަަރެއް މިވަގުތު ސޯޝަލް ސެންޓަރުގައި ގާއިމްކޮށްފައިވާކަމަށެވެ. އަދި އަލިފާނުގެ ހާދިސާގައި އެއްވެސް ކަހަލަ އެހީތެރިކަމެއް ބޭނުންވާ ނަމަ 115 އަށް ގުޅުމަށް އެންޑީއެމްއޭ އިން ވަނީ އެދިފައެވެ.
އަލިފާނުގެ ހާދިސާއާއި ގުޅިގެން އެ ސަރަހައްދުގެ ގޭގެއަށް ވަނީ ވަރަށް ބޮޑަށް ދުމުގެ އަސަރުކޮށްފައެވެ.
