މިއަހަރުގެ މިހާތަނަށް އިންޑިއާގައި ރިލީޒްކުރި ފިލްމުތަކުގެ ތެރެއިން މި 4 ފިލްމަކީ ހައިރާން ކުރުވަނިވި ގޮތަކަށް ހިޓް ފިލްމުތަކެއްގެ ގޮތުގައި ފާހަގަކުރެވުނު ފިލްމުތަކެވެ. މި ފިލްމުގެ ތަރިންގެ ފަރާތުން ފެނުނު ރަނގަޅު ޕާފޯމަންސާ ފިލްމުގެ ވާހަކައިގެ ސަބަބުން މިއީ ސުޕާ ހިޓް ފިލްމުތަކެވެ. 2024 ވަނަ އަހަރުގެ ސަޕްރައިޒް ހިޓްތަކަކީ:
- ޝައިތާން : ވިކާސް ބާލްގެ މޮޅު ޑައިރެކްޝަން ފެނުނު ޝައިތާން ލީޑް ރޯލުން ފެނިގެންދިޔައީ އަޖޭ ދޭވްގަން، އާރް މަދަވަން، ޖިއޮތިކާ އެވެ. މާޗް 8، 2024 ގައި ރިލީޒްކުރި ސުޕަނެޗުރަލް ހޮރޯ ތްރިލާ ބޮޑު ހިޓް ފިލްމެއްގެ ގޮތުގައި ފާހަގަކޮށްލެވުނެވެ. ބަހުލްގެ ކުރީގެ ފިލްމުތައް ކަމަށްވާ ގަނަޕަތު (ޑިޒާސްޓާ) އާއި ގުޑްބައި (ފްލޮޕް) އަށް ބަލާއިރު، މި ފިލްމު ކާމިޔާބުވާނެކަމުގެ އުންމީދު ވަރަށް ވެސް ކުޑައެވެ. ނަމަވެސް ފިލްމުގެ ޕޮޒިޓިވް ވޯޑް އޮފް މޯތު އިން ރަނގަޅު ފައިސާއެއް ހޯދުމަށް ކާމިޔާބު ކުރެވުނެވެ. މީގެ އިތުރުން އާންމުކޮށް ބެލުންތެރިން، މިއަހަރު އެހެން ޖޯންރާތަކަށް ވުރެ ބިރުވެރި ޖޯންރާއަށް އިސްކަންދިނެވެ.
- މުންޖްޔާ: މުންޖްޔާގެ ރޯލުން ފެނިގެންދިޔައީ ޝަރުވާރީ، އަބްހޭ ވަރްމާ، އަދި މޯނާ ސިންގްއެވެ. އަދީއްޔާ ސަރްޕޮޓްޑާ ޑައިރެކްޓްކުރި މި ބިރުވެރި ކޮމެޑީ ރިލީޒްކުރީ ޖޫން 7، 2024 ގައި ކަމަށްވާއިރު، އިންޑިއާގެ ފޯކްލޯރ އަށް ބިނާކޮށް މުންޖްޔާ ވަނީ އޭގެ ހަފްތާއެއް ފަހުން ރިލީޒްކުރި ޗާންޑޫ ޗެމްޕިއަން އަށް ވަރުގަދަ ވާދަވެރިކަމެއް ދީފައެވެ. އޭ ލިސްޓުގެ ތަރިއެއް ނެތްނަމަވެސް މި ފިލްމުގެ ތަރިންގެ މޮޅު ހުނަރާއެކު މިއީ ތަފާތު ފިލްމެކެވެ.
- އަމަރަން: ސިވާކާރްތިކޭޔާން އާއި ސައި ޕައްލާވީ ލީޑް ރޯލުން ފެނިގެންދިޔަ އަމަރަން އަށް ބޮކްސް އޮފީހުގައި ވަރުގަދަ ވާދަވެރިކަމެއް ކުރިމަތިވިއެވެ. އެއީ ލަކީ ބަސްކަރް، ކޭއޭ، ބްރަދާ އަދި ބްލަޑީ ބެގަރ އާއި އެކު ސިންގްހަމް އެގެއިން އަދި ބުލް ބުލާޔާ 3 އާ ކުރިމަތިލާން ޖެހިފައިވާ ފިލްމެކެވެ. މި އަހަރުގެ 2 ވަނައަށް އެންމެ ބޮޑު އާމްދަނީއެއް ލިބުނު މި ފިލްމަކީ ބެލުންތެރިން ރޮއްވާލި މޮޅު ފިލްމެކެވެ.
- އަވޭޝަމް: ފަހާދު ފާސިލްގެ ސުރުޚީގައި 2024 ވަނަ އަހަރުގެ އޭޕްރީލް މަހުގެ 11 ވަނަ ދުވަހު އަވޭޝަމް ސްކްރީންތަކަށް އަރާފައިވާއިރު، އެކްޝަން ކޮމެޑީ ފިލްމު ފާހަގަކުރެވުނީ މިއަހަރުގެ އެންމެ ބޮޑު އާމްދަނީއެއް ލިބުނު އެއް މަލެޔާލަމް ފިލްމުގެ ގޮތުގައެވެ. ފާފާ ލީޑް ރޯލުން ފެނިގެންދިޔަ ފިލްމަކީ ބްލޮކްބަސްޓަރެއްގެ ގޮތުގައި ފާހަގަކުރެވުނު ފިލްމެކެވެ އެއީ މައިގަނޑު ގޮތެއްގައި ފިލްމުގައި ރަނގަޅަށް ލިޔެފައިވާ ކެރެކްޓަރުތަކެއް ހުރުމުންނެވެ. ގޭންގްސްޓާ ރަންގާގެ ރޯލުން ފަހާދު ފާސިލްގެ ސްކްރީން ޕްރެޒެންސް ވީ މި ފިލްމަށް ލިބުނު އިތުރު ޕްލަސް ޕޮއިންޓަކަށެވެ.
