އއ. ރަސްދޫގައި ފަތުރުވެރިންތަކެއް ބަރަހަނާ ފިލްމުތަކެއް ކުޅެ، ވެބްސައިޓެއްގައި އާއްމުކޮށްފައިވާ ކަމަށް ބެލެވޭ މައްސަލައެއް ފުލުހުން ބަލަން ފަށައިފި އެވެ.
ފުލުހުން ބުނީ ރަސްދޫގެ މަގުތަކާއި ގޮނޑުދޮށުގައި ފަތުރުވެރިންތަކެއް ބަރަހަނާ ފިލްމް ކުޅުނު މައްސަލަ އެއް އަދި ޝަކުވާއެއްވެސް ލިބިފައި ނުވާ ކަމަށެވެ. އެހެން ނަމަވެސް ސޯޝަލް މީޑީއާގައި އެފަދަ ވާހަކަތަކެއް ދައުރުވާތީ އެކަން ބަލަމުންދާ ކަމުގައެވެ.
ދައުރުވާ މަންޒަރުތަކާ ބެހޭ ގޮތުން ސޯޝަލް މީޑިއާ ގައި ބުނެފައިވަނީ ރަސްދޫގެ މަގުތަކުގައްޔާއި އާންމު ތަންތާގައި ޖިންސީ ގުޅުން ހިންގާ ބަރަހަނާ ފިލްމްތަކެއް ރަޝިޔާގެ ބަރަހަނާ ފިލްމް ކުޅޭ ބަޔަކު ފިލްމް ކުޅުމަށްފަހު އިންޓަރނެޓްގައި އާންމު ކޮށްފައިވާ ކަމަށެވެ.
