ޒަމާނީ ޓެކްނޮލޮޖީގެ ކުރިއެރުމާ އެކު، އޮންލައިންކޮށް ތަޢުލީމު ޙާޞިލުކުރުމުގެ ޓްރެންޑް ދުނިޔޭގައި އަދި ރާއްޖޭގައި ވެސް އިތުރުވަމުންދާކަން ފާހަގަކުރެވެއެވެ. ޚާއްޞަކޮށް ކޮވިޑް-19 ގެ ބަލިމަޑުކަމާ ގުޅިގެން މި ދާއިރާއަށް އައި ކުރިއެރުން ފާހަގަކޮށްލެވެއެވެ. މިގޮތުން، ގިނަ ބައެއްގެ ޝައުޤުވެރިކަން އޮންލައިން ކޯސްތަކަށް އަމާޒުވެފައިވާކަން ދަނީ ފެންނަމުންނެވެ.
އޮންލައިންކޮށް ކިޔެވުމުގެ ގިނަގުނަ ފައިދާތަކެއް ވެއެވެ. އޭގެ ތެރޭގައި ވަގުތާއި ފައިސާ ސަލާމަތްވުމާއި، ވަޒީފާގައި ދެމިހުރެ ކިޔެވޭނެ ފުރުޞަތު އޮތުމާއި، ދުނިޔޭގެ ކޮންމެ ހިސާބެއްގައި ހުރެގެން ކިޔެވޭނެ ފަސޭހަކަން ހިމެނެއެވެ. އަދި އަމިއްލަ ދިރިއުޅުމުގެ ޒިންމާތަކާ އެކު ތަޢުލީމު ޙާޞިލު ކުރެވޭނެ މަގު ތަނަވަސްވެގެންދެއެވެ.
އޮންލައިންކޮށް ކިޔަވާނެ ކޯހެއް އިޚްތިޔާރުކުރާއިރު މި ދަންނަވާ ކަންކަމަށް ހާއްސަ ސަމާލުކަމެއް ދެވިދާނެއެވެ.
އޮންލައިން ކޯހެއް އިޚްތިޔާރުކުރުމުގެ ކުރިން ފުންކޮށް ވިސްނައި ނިންމަންޖެހޭ ވަރަށް ގިނަ ކަންކަން އެބަހުއްޓެވެ. މިހާރު ފަސޭހައިން އިންޓަނެޓް ބޭނުންކޮށްގެން ގިނަ މައުލޫމާތުތައް އެއް ކުރެވޭ ޒަމާނެއްގައި މިފަދަ މައުލޫމާތުތައް ވެސް މިހާރު ހޯދާލުމަކީ ފަސޭހަކަމެކެވެ. އެގޮތުން ގުރެޖުއޭޓު މޯލްޑިވްސްގެ ނަމުގައި އަމިއްލަ ފަރާތަކުން އިސްނަގައިގެން ހިންގާ ވެބް ސައިޓް ގްރެޖުއޭޓް އެމްވީ އިން ރާއްޖޭގައި ހިންގާ ކޮލެޖު، ޔުނިވަރސިޓީތަކުގެ މައުލޫމާތު އެއް ސްކްރީނަކުން ބަލާލުމުގެ ލުއި ފަސޭހަކަން މިވަނީ ލިބިފައެވެ.graduate.mv
ގްރެޖުއޭޓް މޯލްޑިވްސްގެ ވެބްސައިޓުން 200 އަށްވުރެ ގިނަ އޮންލައިން ކޯސްތަކުގެ މަޢުލޫމާތު ލިބެން ހުރިއިރު މި ވެބް ސައިޓަށް ޒިޔާރަތް ކުރައްވާ ކޯސްތަކުގެ މަޢުލޫމާތު ފިލްޓާ ކޮށްލައްވައިގެން ބޭނުންވާ އޮންލައިން ނުވަތަ އޮން ކެމްޕަސް 700 އަށްވުރެ ގިނަ ކޯސް ތަކުގެ މަޢުލޫމާތު ހޯދައި އެއް ކޯސް އަނެއް ކޯހާއި އަޅާކިޔައި އެކަށީގެންވާ ކޯހުގެ މަޢުލޫމާތު ހޯދުމަށް ފަސޭހަ ވެގެން ދެއެވެ.
