މާލޭގެ ގެސްޓް ހައުސްއަކަށް ވަދެ، ވަޅިން ބިރު ދައްކައި އެތަނުގައި ހުރި ފައިސާ އާއި ފޯނުތައް ފޭރިގެނެފިއެވެ.
ފުލުހުން ބުނީ މާފަންނުގައި ހުންނަ ގެސްޓް ހައުސްއަކާއި ސެލޫނެއްގެ ގޮތުގައި ބޭނުންކުރާ ތަނަކަށް މީހަކު ވަދެ ފޭރުނު މައްސަލައެއް ރޭ 21:59 ހާއިރު ރިޕޯޓް ކޮށްފައި ވާކަމަށެވެ. އަދި މިހާތަނަށް ބެލިބެލުމުން އެތަނުން ފޭރިފައި ވަނީ ދެ މޯބައިލު ފޯނާއި ފައިސާކަން އެނިގިފައިވާ ކަމަށް ފުލުހުން ވަނީ ބުނެފައެވެ.
ފުލުހުން ބުނީ މި މައްސަލައިގައި އަދި މިހާތަނަށް އެއްވެސް މީހަކު ހައްޔަރުކޮށްފައި ނުވާއިރު މައްސަލަ ތަހުގީގުކުރަމުން އަންނަކަމަށެވެ.
މާލެ ސަރަހައްދުގައި ވައްކަމާ ފޭރުމުގެ މައްސަލަ އިތުރުވެފައިވާއިރު، މިފަދަ އަމަލުތައް ހިންގާ ފަރާތްތަކަށް އެކަށީގެންވާ އަދަބު ނުދެވޭކަމަށް ގިނަ ބަޔަކު އަންނަނީ ބުނަމުންނެވެ.
