މޫނު ނިވާކޮށްގެން ތިބި ބަޔަކު ގދ.ތިނަދޫގެ ގެޔަކަށްވަދެ ބިދޭސީއެއްގެ އަތުން ގިނަ އަދަދެއްގެ ފައިސާ ފޭރިގެންފިއެވެ.
ތިނަދޫގައި ކާފިއު އިއުލާންކޮށްފައިވާ ގަޑިޖެހުމުން، ބިދޭސީ މީހާ މަސައްކަތް ނިންމާލާފައި ގެޔަށް ދިޔަތާ މާގިނަ އިރެއްނުވެ މޫނު ނިވާކޮށްގެން ތިބި ހަތަރު މީހަކު އެގެޔަށް ވަދެ އެމީހާއަށް ބިރު ދައްކައިގެން އޭނަގެ އަތުން ފައިސާތަކެއް ވަނީ ފޭރިގެންފައެވެ.
މައުލޫމާތުލިބޭ ގޮތުގައި މިމީހާ އަކީ ގދ.ތިނަދޫ ފިހާރައެއްގައި ސޭޓަކަށް މަސައްކަތް ކުރާ ބިދޭސީއެކެވެ.
ފުލުހުން ވިދާޅުވި ގޮތުގައި ރޭ 10:30ހާއިރު ތިނަދޫގެ ގެއަކަށް ބަޔަކު ވަދެ މީހެއްގެ އަތުން އެމީހާގެ ވޮލެޓާއި، ތަޅުދަނޑިގެ އިތުރުން ފައިސާތަކެއް ފޭރިގެންފައިވާ ކަމަށެވެ. އަދި މިމައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާކަމަށް ފުލުހުން މީޑިޔާއަށް މައުލޫމާތުދީފައިވެއެވެ.
މިމައްސަލަ ފުލުހުން ދަނީ އިތުރަށް ތަހުޤީގު ކުރަމުންނެވެ.
