އަމީތާބް ބައްޗަން އަކީ ހިންދީ ފިލްމު އިންޑަސްޓްރީގައި ވެރިކަން ކުރަމުން އަންނަތާ އެތައް އަހަރެއް ވެފައިވާ ތަރިކެވެ. ލޯބިން ބޮލީވުޑްގެ ޝަހެންޝާހްގެ ނަމުން މަޝްހޫރު ބިގް ބީ ވަނީ ހިންދީ ސިނަމާގެ ގިނަ ތަރިންނާ އެކު މަސައްކަތްކޮށްފައިވާ އޭގެ ތެރޭގައި ސްރީދެވީ އަކީ ފާހަގަކޮށްލެވޭ ބަތަލާއެކެވެ. ދެ އެކްޓަރުން ވެސް ވަނީ ބޮލީވުޑްގެ އުދަގޫ ފިލްމުތަކެއްގައި އެކަކު އަނެކަކަށް އެއްބާރުލުން ދީފައެވެ. އަމީތާބް ބައްޗަން އާއި ސްރީދޭވީގެ ޖުމްލަ ފަސް ފިލްމެއް އާއިލާއާއެކު ބަލާލެވޭނެ އެވެ. ތިރީގައި މި ލިސްޓްކޮށްފައިވާ ފިލްމުތަކުން އެމީހުންގެ އެކްޓިން ކުޅަދާނަކަމުގެ ވާހަކަ ވަރަށް ބޮޑަށް ދައްކައެވެ.

• އިންކިލާބް: އަމީތާބް ބައްޗަން އާއި ސްރީދޭވީ ލީޑް ރޯލުން ފެނިގެންދާ އިންކިލާބްއަކީ ހިންދީ ސިނަމާގައި އެދެމީހުންގެ ފުރަތަމަ ކޯލަބްރޭޝަނެވެ. ޓީރާމާ ރާއޯ ޑައިރެކްޓްކުރި މި ފިލްމު ރިލީޒްކުރީ 1984 ވަނަ އަހަރު އެވެ. އަމަރްނާތުގެ ރޯލު އަމީތާބް ކުޅުނުއިރު، ފިލްމުގައި އާޝާގެ ރޯލުން ސްރީދޭވީ ކުޅެފައިވެއެވެ. މި ފިލްމުގައި އުތުޕަލް ދަތު، ކާދަރު ޚާން، ރަންޖީތު، ޝަކްތީ ކަޕޫރު، އަދި ނިރުޕާ ރޯއީ ވެސް ފެނިގެން ގޮސްފައިވެ އެވެ. މި ފިލްމުގެ ވާހަކަ އެނބުރެނީ ބައްޗަންގެ ކެރެކްޓަރ، އަމަރްނާތު އެކަނިމާއެކަނި އުޅެމުން ދިޔައިރު އޭނާއަކީ ތައުލީމީ ގޮތުން ރަނގަޅު މީހެއް ނަމަވެސް ވަޒީފާއެއް ހޯދުމަށް ގިނަ ދަތިތަކާ ކުރިމަތިވިއެވެ. ސިޔާސީ ރޯލުން ފެނިގެންދާ ޝަންކަރު ނަރަޔަންގެ ރޯލުން ފެނިގެންދާ ކާދަރު ޚާން އަމަރު ތަމްރީނު ކުރަނީ ފުލުހަކަށް ވުމަށެވެ. އެއަަށް ފަހު ޝަންކަރު ދެން އޭނާގެ ބޭނުންކުރަނީ ޖިނާއީ ކުށްތައް ހިންގުމަށެވެ.
• ޚުދާ ގަވާ: އަމީތާބް ބައްޗަން އާއި ސްރީދޭވީ ލީޑް ރޯލުން ފެނިގެންދިޔަ ޚުދާ ގަވާއަކީ 1992 ވަނަ އަހަރު ރިލީޒްކުރި ފިލްމެކެވެ. މި ފިލްމުގައި އަމީތާބު ބާދުޝާހް ޚާންގެ ރޯލު ކުޅުނުއިރު، ސްރީދޭވީ ކުޅެފައިވަނީ ޑަބަލް ރޯލެވެ. އެގޮތުން އޭނާވަނީ މި ފިލްމުގައި ބެނާޒީރު/މެހެންދީގެ ރޯލު ވަރަށް ފުރިހަމައަށް ދައްކާދީފައެވެ. މި ފިލްމުގެ ވާހަކަ އެނބުރެނީ ބަދުޝާހް ޚާން ބެނާޒީރާއި ލޯބިވެ، އޭނާގެ ބައްޕަގެ ގާތިލު ހޯދުމަށް އަފްޣާނިސްތާނުން އިންޑިއާއަށް ދަތުރުކުރާ ގޮތުގެ މައްޗަށެވެ. މުކުލް އެސް އަނަންދު ޑައިރެކްޓްކޮށްފައިވާ ޚުދާ ގަވާ އަކީ ބިގް ބީ އާއި ސްރީދޭވީ ގުޅިގެން އުފެއްދި ތިން ވަނަ ފިލްމެވެ.

• އިންގްލިޝް ވިގްލިޝް: ގައުރީ ޝިންޑޭ ޑައިރެކްޓްކޮށްފައިވާ އިންގްލިޝް ވިންގްލިޝްގެ ލީޑް ރޯލުން ފެނިގެންދިޔައީ ސްރީދޭވީ އެވެ. މި ފިލްމުގައި ސްރީދޭވީ ކުޅެފައިވަނީ ގޭގައި ހަދާ ފޮނި ކާނާ އާއި ލުއި ކާނާ ވިއްކާ ވިޔަފާރިވެރިއެއް ކަމަށްވާ ޝާޝީ ގޯޑްބޯލޭގެ ރޯލެވެ. އަދީލް ހުސެއިންގެ ރޯލުން ފެނިގެންދިޔައީ އޭނާގެ ފިރިމީހާ ސަތިޝް ގޯޑްބޯލޭ އެވެ. މި ފިލްމުގައި ހާއްސަ ރޯލަކުން އަމީތާބް ބައްޗަން ފެނިގެން ދެއެވެ. މި ފިލްމަކީ ކޯހެއްގެ ތެރެއިން އިނގިރޭސި ބަސް ދަސްކޮށް، އެ ޕްރޮސެސްގެ ތެރޭގައި އަމިއްލަ ނަފްސަށް އިހުތިރާމް ހޯދައިގެން ޝާޝީ އޭނާގެ ދަތުރުކުރާ ގޮތް ދައްކައިދޭ ފިލްމެކެވެ. މި ފިލްމުގައި ފްލައިޓެއްގެ ތެރެއިން އޭނާގެ ކޯ ޕެސެންޖަރެއްގެ ގޮތުގައި އަމީތާބް ބައްޗަންއާ ބައްދަލުކުރެއެވެ. މިއީ 2012 ވަނަ އަހަރު ރިލީޒްކުރި ފިލްމުތަކުގެ ތެރެއިން އެންމެ ފާހަގަކޮށްލެވޭ އެއް ފިލްމެވެ.

• އާޚިރީ ރާސްތާ: ކޭ ބަގްޔާރާޖް ޑައިރެކްޓްކޮށްފައިވާ އާޚރީ ރާސްތާގައި އަމީތާބް ބައްޗަން ވަނީ ޓްރިޕްލް ރޯލްތަކެއް ކުޅެފައެވެ. މި ވާހަކަ އެނބުރެނީ އަމީތާބުގެ ކެރެކްޓަރު ޑޭވިޑް ޑީ ކޮސްޓާގެ މައްޗަށް ކުރެވޭ ދޮގު ތުހުމަތުތަކެއްގެ މައްޗަށެވެ. އޭނާގެ އަންހެނުން މެރީ ޑި ކޮސްޓާ މަރާލި ކަމުގެ ތުހުމަތާއެކު ގިނަ ކަންތައްތަކެއް ފެނިގެންދެއެވެ. ބަޗަން ވަނީ ޑީ ކޮސްޓާގެ ދަރިފުޅު ޖޭމްސް އާއި އޭނާގެ އެކުވެރިޔާ (އަނޫޕަމް ޚޭރް) ގެ ދަރިފުޅު ސީއައިޑީ އިންސްޕެކްޓަރު ވިޖޭގެ ރޯލުވެސް ކުޅެފައެވެ. ވިޖޭގެ ލޯބިވެރިޔާ ވިނީތާ ބަޓްނަގަރުގެ ރޯލުން ފެނިގެންދިޔައީ ސްރީދޭވީ އެވެ. މި ފިލްމު ރިލީޒް ކުރީ 1986 ވަނަ އަހަރު އެވެ.

• އިންގިލާބް: އަމީތާބް ބައްޗަން އާއި ސްރީދޭވީ ލީޑް ރޯލުން ފެނިގެންދާ އިންގިލާބްއަކީ ހިންދީ ސިނަމާގައި އެދެމީހުންގެ ފުރަތަމަ ކޯލަބްރޭޝަނެވެ. ޓީރާމާ ރާއޯ ޑައިރެކްޓްކުރި މި ފިލްމު ރިލީޒްކުރީ 1984 ވަނަ އަހަރު އެވެ. އަމަރްނާތުގެ ރޯލު އަމީތާބް ކުޅުނުއިރު، ފިލްމުގައި އާޝާގެ ރޯލުން ސްރީދޭވީ ކުޅެފައިވެއެވެ. މި ފިލްމުގައި އުތުޕަލް ދަތު، ކާދަރު ޚާން، ރަންޖީތު، ޝަކްތީ ކަޕޫރު، އަދި ނިރުޕާ ރޯއީ ވެސް ފެނިގެން ގޮސްފައިވެ އެވެ. މި ފިލްމުގެ ވާހަކަ އެނބުރެނީ ބައްޗަންގެ ކެރެކްޓަރ، އަމަރްނާތު އެކަނިމާއެކަނި އުޅެމުން ދިޔައިރު އޭނާއަކީ ތައުލީމީ ގޮތުން ރަނގަޅު މީހެއް ނަމަވެސް ވަޒީފާއެއް ހޯދުމަށް ގިނަ ދަތިތަކާ ކުރިމަތިވިއެވެ. ސިޔާސީ ރޯލުން ފެނިގެންދާ ޝަންކަރު ނަރަޔަންގެ ރޯލުން ފެނިގެންދާ ކާދަރު ޚާން އަމަރު ތަމްރީނު ކުރަނީ ފުލުހަކަށް ވުމަށެވެ. އެއަަށް ފަހު ޝަންކަރު ދެން އޭނާގެ ބޭނުންކުރަނީ ޖިނާއީ ކުށްތައް ހިންގުމަށެވެ.

• ބޮމްބޭ ޓޯލްކީސް: އެންތޮލޮޖީ ފިލްމެއް ކަމަށްވާ ބޮމްބޭ ޓޯކީސް 2013 ވަނަ އަހަރު ރިލީޒްކުރިއިރު މީގައި ކަރަން ޖޯހަރު، އަނޫރާގް ކަޝްޔަޕް، ދިބާކަރު ބެނާޖީ، އަދި ޒޯޔާ އަޚްތަރު ފަދަ ފިލްމު އުފެއްދުންތެރިން ޑައިރެކްޓްކުރި ކުރު ފިލްމުތަކެއްގެ ގޮތުގައި ހަތަރު ސެގްމަންޓެއް ހިމެނެއެވެ

AD