މެޗުގެ ފުރަތަމަހާފުގައި ދެޓީމުންވެސް ވަނީ ލަނޑުޖަހާނެ ރަނގަޅު ފުރުސަތުތަކެއް ތަނަވަސްކޮށްފައެވެ. ނަމަވެސް ފުރުސަތުތަކުގެ ބޭނުން އެއްވެސް ޓީމަކަށް ނުހިފުނެވެ.

މެޗުގެ ދެވަނަ ހާފަށް ކުޅެން ނުކުމެ، ބެލްޖިއަމް އިން ވަނީ ނަތީޖާ އަނބުރާލަން ބުރަ މަސައްކަތްތަކެއް ކޮށްފައެވެ. އެގޮތުން އެޓީމުން ވަނީ އެޓޭކުތައް ވަރުގަދަކޮށް ސްލޮވާކިއާގެ ގޯލަށް ނުރައްކާކޮށްފައެވެ. ނަތީޖައެއްގެ ގޮތުން މެޗުގެ 56 ވަނަ މިނެޓުގައި ބެލްޖިއަމްގެ ފޯވާޑް ލުކާކޫ ވަނީ ލަނޑެއް ވެސް ކާމިޔާބުކޮށްފައެވެ. ނަމަވެސް ވީއޭއާރުން ބެލުމަށްފަހު ރެފްރީ ނިންމީ އެއީ އޮފްސައިޑް ލަނޑެއްކަމަށެވެ. އަދި މީގެ އިތުރުންވެސް މިހާފުގައި ބެލްޖިއަމްގެ ލިއަންޑްރޯ ޓްރޮސާޑް އާއި ޔޯހާން ބަކަޔޯކާ އަށް ވެސް ވަނީ ލަނޑު ޖަހަން ރަނގަޅު ހުސް ފުރުސަތުތަކެއްލިބި ބޭކާރުވެފައެވެ.

މި މެޗާއި އެކު މިގުރޫޕުން ކޮންމެ ޓީމެއް ވެސް މިހާރު ވަނީ އެއް މެޗު ކުޅެފައެވެ. މި ގުރޫޕުގެ ނަތީޖާތަކަށް ބަލާއިރު، ގުރޫޕްގެ އެއްވަނާގައި މިވަގުތު އޮތީ ރޭ 3-0 ގެ ނަތީޖައަކުން ޔުކްރެއިން ބަލިކުރި ރޫމޭނިއާ އެވެ. ދެވަނައިގައި އޮތީ ބެލްޖިއަމް ބަލިކުރި ސްލޮވާކިއާއެވެ.