އިދިކޮޅު އެމްޑީޕީގެ ހިންގުން ހަރުދަނާކޮށް ވަރުގަދަކުރަން މަގުޗާޓެއް އެކުލަވައިލުމުގެ މަސައްކަތް ފަށަން އެ ޕާޓީން ނިންމައިފިއެވެ.
ރާއްޖޭގެ އެންމެ ބޮޑު ސިޔާސީ ޕާޓީ އެމްޑީޕީއަށް މި ފަހުން ބޭއްވި ތިން އިންތިހާބުގައިވެސް ނާކާމިޔާބީ އާއި ކުރިމަތިލާންޖެހުނު އިރު ރޭ އޮތް ގައުމީ މަޖިލީހުގެ ޖަލްސާގައި ޕާޓީގެ ޗެއާޕާސަން ފައްޔާޒު އިސްމާއިލްވަނީ އިންތިހާބުތަކަށްފަހު އެމްޑީޕީގެ އެކި ގުނަންތަކާއެކު ބޭއްވި ބައްދަލުވުންތަކުން ލިބުނު ހިޔާލުތައް ހިއްސާކުރައްވައިފައެވެ.
އެ ކަމަށް ވާސިލުވުމުގެ ގޮތުން ހަރުދަނާ މަގުޗާޓެއް އެކުލަވާލުމުގެ މަސައްކަތް ކުރަމުން އަންނަކަން ފާހަގަކޮށް ފައްޔާޒު ވިދާޅުވީ މި މަގުޗާޓަކީ އެމްޑީޕީގެ ވިސްނުމާއި ފިކުރާއި ތަސައްވުރާއި މިޝަން ރަނގަޅަށް ބަޔާންކުރެވިފައިވާ މުސްތަގުބަލުގެ ލީޑަރުން އުފައްދާނެ މަގުޗާޓަކަށް ވާނެކަމަށެވެ.
