ފަލަސްތީނުގެ ދިފާއުގައި ހަނގުރާމަކުރަމުން އަންނަ ހަމާސް މުޖާހިދުންނާއި އިސްރާއީލުގެ ޔަހޫދީ އަސްކަރިއްޔާއާއި ދެމެދު ހިނގަމުން އަންނަ ހަނގުރާމައަށް 100 ދުވަސް ވެފައިވާއިރު، އިސްރާއީލުގެ ޔަހޫދީން ވަނީ ފަލަސްތީނުގައި އެތަކެއް ބޮޑެތި ޖަރީމާތަކެއް ހިންގާފައެވެ. އެގޮތުން ޔަހޫދީން ފަލަސްތީނުގައި ހިންގާފައިވާ ޖަރީމާތަކަށް ބަލާއިރު،
- ފަލަސްތީނުގެ 30،843 މީހުން ޝަހީދުކޮށްލާފައިވޭ.
- ހަމަލާތަކުގައި ޡަޚަމްވެ، ހޮސްޕިޓަލްތަކަށް ގެންގޮސް ފަރުވާދެމުން ދަނިކޮށް 23،843 މީހުންން ޝަހީދުވެފައިވޭ.
- ޔަހޫދީންގެ ހަމަލާތަކުގައި 10،400 ކުޑަ ކުދިން ޝަހީދުވެފައިވޭ.
- 7،100 އަންހެނުން ޝަހީދުކޮށްލާފައިވޭ.
- މެޑިކަލް ޓީމުތަކުގެ 337 މީހަކު ޝަހީދުކޮށްލާފައިވޭ.
- ސިވިލް ޑިފެންސް އިން 45 މީހަކު ޝަހީދުވެފައިވޭ.
- 117 ނޫސްވެރިން ޝަހީދުކޮށްލާފައިވޭ.
- 7،000 މީހުން ވީނުވީއެއް ނޭންގި ގެއްލިފައިވާއިރު، އޭގެ ތެރެއިން %70 އަކީ ކުޑަކުދިންނާއި އަންހެނުން.
- ޔަހޫދީންގެ ހަމަލާތަކުގައި 60،317 މީހުން ޒަޚަމްވެފައިވޭ.
- ޒަހަމްވި 6،200 މީހުންގެ ފުރާނަ ސަލާމަތް ކުރުމަށްޓަކައި ފަރުވާދީފައިވޭ.
- ކެންސަރު ބަލި ޖެހިފައިވާ 10،000 މީހުން މަރުވުމުގެ ނުރައްކާލާއި ކުރިމަތިވެފައިވޭ.
- 99 ސިއްހީ މުވައްޒަފުން ހައްޔަރުކުރި.
- 10 ނޫސްވެރިން ހައްޔަރުކޮށްފައިވޭ.
- ޔަހޫދީންގެ ހަމަލާތަކުގެ ސަބަބުން ޣައްޒާގައި 2 މިލިއަން މީހުން ގެދޮރު ގެއްލިފައިވޭ.
- ގެދޮރު ދޫކޮށް ދާންޖެހިފައިވާ 400،000 މީހުންނަށް ތަފާތު ބަލިމަޑުކަމާއި ކުރިމަތިލާްނ ޖެހިފައިވޭ.
- ފަލަސްތީނު ސަރުކާރުގެ 134 މައި މަރުކަޒެއް ހަލާކުކޮށްލައިފައިވޭ.
- 95 ސްކޫލާއި ޔުނިވާސިޓީ މުޅިން ހަލާކުކޮށްލި.
- 295 ސްކޫލާއި ޔުނިވާސިޓީއެއް ބޭނުން ނުކުރެވޭ ވަރަށް ހަލާކުކޮށްލި.
- 145 މިސްކިތެއް މުޅިން ބިމާއި ހަމަކޮށްލާ، 243 މިސްކިތަކަށް އެކިވަރުގެ ގެއްލުންތައް ދިން.
- 3 ފައްޅި ބިމާއި ހަމަކޮށްލި.
- 69،300 ހައުސިން ޔުނިޓް މުޅިން ހަލާކުކޮށްލާފައިވޭ. އަދި 290،000 ހައުސިން ޔުނިޓަކަށް އެކިވަރުގެ ގެއްލުންތައް ދީފައިވޭ.
- 100 ދުވަހުގެ ތެރޭގައި ޖުމުލަ 65،000 ޓަނުގެ ގޮވާތަކެތި ފަލަސްތީނާއި ދެކޮޅަށް ބޭނުންކޮށްފައިވޭ.
- 30 ހޮސްޕިޓަލަކާއި 53 ސިއްޚީ މަރުކަޒެއް ހިދުމަތް ނުދެވޭ ވަރަށް ހަލާކުކޮށްލި.
- 121 އެމްބިއުލާންސް ނައްތާލި.
- އާސާރީ އަދި ތަރިކައިގެ 200 ތަނެއް ސުންނާފަތިކޮށްލި.
