ކުރީ ސަރުކާރުން މާލެ ސަރަހައްދުގައި ދިރިއުޅޭ މީހުންނަށް ގޯއްޗާއި ފްލެޓް ދިނުމަށް ހިންގި ‘ބިންވެރިޔާ’ އަދި ‘ގެދޮރުވެރިޔާ’ ސްކީމުގެ ދަށުން ފްލެޓާއި ގޯތި ލިބުނު ކަމަށް ފައިނަލް ލިސްޓުގައި ނަން އޮތް އެންމެންނަށް ދެ ހަފްތާތެރޭ ރަޖިސްޓްރީ ހަވާލުކޮށް ނިންމާނެކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.
މިއަދު އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ގޯތި އަދި ފްލެޓް ލިބޭނެ ކަމަށް ފައިނަލް ލިސްޓުގައި ހިމެނި ގެޒެޓު ކޮށްފައިވާ ފަރާތްތަކަށް ރަޖިސްޓްރީ ހަދައިދީ ގޯތި އަދި ފްލެޓް ހަވާލު ކުރުން، އެމަނިކުފާނު ވައުދުވެ ވަޑައިގެންނެވި ގޮތަށް ކުރިއަށް ގެންދާނެކަމަށެވެ.
Goathi adhi flat libeyne kamah final list gai himeni gazette koffaivaa faraaithakah registry hadhaidhee goathi/flat havaalu kurumakee alhugandu vaudhu vee gothah kuriyah dhaane kameh. Mi hafthaa aa mianna hafthaa therey registry havaalukoh nimmumuge masakkai Housing Ministry in…
— Dr Mohamed Muizzu (@MMuizzu) January 2, 2024
މި ހަފްތާ އަދި މި އަންނަ ހަފްތާ ތެރޭގައި ރަޖިސްޓްރީ ހަވާލުކޮށް ނިންމުމުގެ މަސައްކަތް ހައުސިން މިނިސްޓްރީއިން ކުރިއަށް ގެންދާކަން ފާހަގަކުރައްވަމުން ރައީސް ވިދާޅުވީ ގޯތި ދީފައިވާ ބައެއް ތަންތަނަކީ ނުހިއްކާ ހުރި ތަންތަން ކަމުން އެ ތަންތަން ހިއްމުގެ މަސައްކަތް ބާރަށް ކުރިއަށް ދާކަމަށެވެ. އަދި ގުޅީފަޅާއި ގިރާވަރު ފަޅުން އިތުރު ބިން ހިއްކުމަށް ވެސް ތައްޔާރުވަމުން ދާކަމަށް ރައީސް ވަނީ ވިދާޅުވެފައެވެ.
