އުތުރު ކޮރެއާ އާއި ދިމާއަށް ނުގޮތަކަށް ބަލާލިޔަސް އެމެރިކާ އާއި ދެކުނު ކޮރެއާ ނައްދާލާނެ ކަމުގެ އިންޒާރު އުތުރުކޮރެއާގެ ލީޑަރު ކިމް ޖޮން އުން ދެއްވައިފިއެވެ.
ކިމް ޖޮން އުން ވިދާޅުވީ އެމެރިކާއާއި ދެކުނު ކޮރެއާއިން އުތުރު ކޮރެއާއަށް ހަމަލާއެއް ދީފާނެ ކަމަށް ބެލެވެމުން ދާ ކަމަށާއި، ނުގޮތަކަށް އުތުރު ކޮރެއާއާއި ދިމާއަށް ބަލައިލިޔަސް ދުނިޔޭގެ އެންމެ ބޮޑު ޓެރަރިސްޓު ގައުމުތަކުގެ ތެރޭގައި ހިމެނޭ އެމެރިކާއާއި ދެކުނު ކޮރެއާ ނައްތާލާނޭކަމަށެވެ.
ކިމް ޖޮން ޔުން ވިދާޅުވީ މުޅި ދުނިޔޭގައި ހިންގާ އެންމެ ބޮޑެތި ޖަރީމާތަކުގެ އެންމެ އަޑީގައި އޮންނަ ގައުމަކީ އެމެރިކާ ކަމަށާއި އެގައުމަށް ވާގިދޭ ދެކުނު ކޮރެއާ އަކީވެސް އެފަދަ ގައުމެއް ކަމަށެވެ. އެހެން ކަމުން އެއީ މިހާރުވެސް ނައްތާލަން ޖެހިފައިވަ އޮތް ގައުމުތަކުގެ ތެރޭގައި ހިމެނޭ ދެ ގައުމުކަމަށް ކިމް ޖޮން އުން ވިދާޅުވިއެވެ.
ކިން ޖޮން ވިދާޅުވީ އުތުރު ކޮރެއާއިން އަބަދަުވެސް ދުސްމަނުންގެ ހަމަލާތަކަށް ފުރިހަމައަށް ތައްޔާރުވެގެން ބިނޭނޭ ކަމަށާއި އެގޮތުން އެ ގައުމަށް ކުޑަވެސް ހަމަލާއެއް ދީފި ނަމަ އެ ބަޔަކު ނައްތާލަން ވެސް ތައްޔާރަށް ތިބިކަމަށެވެ.
އަދި އުތުރު ކޮރެއާގެ އަސްކަރިއްޔާ އެންމެ ބޮޑަށް ތައްޔާރުވެ އޮތީ އެމެރިކާއިން ދީފާނެ ހަމަލާއަކަށް ކަމަށާއި، އުތުރު ކޮރެއާގެ އަސްކަރިއްޔާ އޮތީ އެކަމަށް ވަރަށް ވަރުގަދަ އަށް ތައްޔާރުވެގެން ކަމަށް އޭނާ ވިދާޅުވެފައިވެއެވެ3
” އެމެރިކާއެއް ސައުތުކޮރެއާއިން އަހަރެމެންނާއި ދިމާއަށް ނުގޮތަކަށް ކަޅިއެއް އެއްލިޔަސް އެ ދެގައުމު ފޮހެލާނަން. މިއީ ޔަގީންކަމެއް. އަހަރެމެންގެ އަސްކަރިއްޔާ އޮތީ އެކަމަށް ވަރަށް ބޮޑަށް ތައްޔާރުވެގެން.” ކިމް ޖޮން ޔުން ވިދާޅުވެފައިވެއެވެ.
