ރަމަޟާން މަހުގެ ތެރޭގައި މުސްލިމު ޢާއިލާތަކުގެ މެދުގައި ހަދިޔާބަދިޔާ ބަދަލުކުރުމަކީ ވަރަށް ޢާއްމު ކަމެކެވެ. މި ގޮތަށް ބަދަލުކުރެވޭ ހަދިޔާގެ ތެރޭގައި ކާބޯތަކެއްޗާއި މޭވާއާއި ސެންޓާއި ފޭރާން ހިމެނެއެވެ. މިއީ އެކުވެރިކަމާއި ޢާއިލީ ގުޅުން ދެމެހެއްޓުމަށްޓަކައި މެލޭޝިޔާގެ މުސްލިމުން ކުރަމުންދާ ކަމެކެވެ.
މެލޭޝިޔާގެ މުސްލިމުން ހާރު ކެއުމަށް ފަހު ޚާއްޞަ ބުއިމެއް ބޮއެވެ. މި ބުއިމުގެ ނަމަކީ “ކޯލާކް” އެވެ. މިއީ ކަރުހިއްކުން ކަނޑުވައިދޭ ބުއިމެކެވެ. އަދި، މިއީ ރޯދަވެރިއާ ކަންނެތްކަމާއި ލޮޑުވުމުން ދުރުކޮށްދޭ ބުއިމެކެވެ. އެއީ މި ބުއިމުގެ ސަބަބުން ހަށިގަނޑަށް އިތުރު ހަކަތަ ލިބޭތީއެވެ.
ރަމަޟާން މަސް ނިމެން ކައިރިވުމުން ފިޠުރު ޒަކާތް އެއްކުރުމަށްޓަކައި މިސްކިތްތަކުގައި ޚާއްޞަ ކޮމެޓީތަކެއް ޤާއިމުކުރެވެއެވެ. މީގެ އިތުރަށް ތަނަވަސްކަން ލިބިގެންވާ މީހުން ފަޤީރުންނަށް ހެދުމާއި ޢީދު ޙަލްވާ ގަނެ ދިނުމަކީ ވެސް މެލޭޝިޔާގެ މުޖްތަމަޢުން ފެންނަ ރަނގަޅު ކަމެކެވެ.
*މިއީ ލިޔުންތެރިންގެ ގުޅުމުން ނަގާފައިވާ ލިޔުމެކެވެ.
