މި އަހަރުގެ ހައްޖުގެ މަތިވެރި އަޅުކަން އަދާކުރުމަށް ރާއްޖެއިން ފުރާ ހައްޖާޖީންގެ ކަންތައްތައް އިސްކޮށް ބެލެހެއްޓެވުމަށްޓަކައި، އަމީރުލްހައްޖުގެ ގޮތުގައި ނައިބު ރައީސް ފައިސަލް ނަސީމް ހަމަޖައްސައިފިއެވެ،
މިއަހަރު ރާއްޖެއިން ހައްޖަށްދާ ފުރަތަމަ ގުރޫޕް މާދަމާ ފުރުމަށް ހަމަޖެހިފައިވާއިރު މިމަހުގެ 19 ވަނަ ދުވަހުގެ ނިޔަލަށް ދިވެހި ހައްޖާޖީން ރާއްޖެއިން ފުރަމުން ގެންދާނެއެވެ.
ރާއްޖެއިން މިއަހަރު ހައްޖަށް ގެންދިއުމަށް ލިބިފައިވަނީ 1000 ކޯޓާއެވެ. މިއަހަރު ރާއްޖެ 1،000 މީހުން ހައްޖަށް ދާއިރު އޭގެ ތެރެއިން 600 ކޯޓާ ދީފައި ވަނީ ހައްޖު ކޯޕަރޭޝަނަށެވެ.
ބާކީ ތިބި މީހުން ހައްޖަށް ދަނީ ސިސިލްފަރު ހައްޖު އެންޑް އުމްރާ ގްރޫޕާއި އަލްމަނާސިކްގެ އިތުރުން އަލްހަރަމައިން ހައްޖު އެންޑް އުމްރާ ގެ ހަވާލުގައެވެ.
