“ހެޔޮ ސިއްޙަތު” ގެ ނަމުގައި ދުޅަހެޔޮ ސިއްޙަތާއި ރަނގަޅު ކާނާއާއި ގުޅޭ އެއްދުވަހުގެ ޕްރޮގްރާމެއް ފުވައްލައް ސިޓީގައި ކުރިއަށް ގެންދިއުމަށް ހަމަޖައްސައިފިއެވެ.

މި ޕްރޮގްރާމަކީ މިނިސްޓްރީ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވަރމަންޓް އާއި ސަދަން ކޮމިޔުނިޓީ އެމްޕަވަރމެންޓް އެސޯސިއޭޝަން އޮފް މޯލްޑިވްސް (ސްކީމް ) ގުޅިގެން މުޖުތަމަޢު ބާރުވެރިކުރުމަށް ކުރިއަށް ގެންދާ ކޮމިޔުނިޓީ ޕްރޮގްރާމް ކަމަށްވާ “ވެށި- ބާރު” ގެ ދަށުން ހިންގާ ޕްރޮގްރާމެކެވެ.

“ހެޔޮ ސިއްޙަތު” ޕްރޮގްރާމަކީ ވެށި- ބާރު ޕްރޮޖެކްޓްގެ ދަށުން، ދުޅަހެޔޮ ސިއްޙަތެއްގައި ތިބުމަށް ރަނގަޅު ކާނާ ގެ މުހިންމުކަމާއި، ރަނގަޅު ސިއްހަތެއްގައި ތިބުމަށް ސިއްޙީ ގޮތުން ވިސްނަންވީ ކަންތައްތައް އަންގައިދީ އެކަމާއި ބެހޭ މައުލޫމާތު މުޖުތަމައަށް ފޯރުކޮށް ދިނުމަށް ހިންގާ ޕްރޮގްރާމެކެވެ.

މި ޕްރޮގްރާމުގައި ރަނގަޅު ކާނާ ގެ 30 ވައްތަރުގެ ރެސިޕީ ތައްޔާރުކުރަން ދަސްކޮށްދެވޭނެއެވެ. މި ސެޝަން ފެސިލިޓޭޓް ކޮށްދެއްވަވާނީ އައްޑޫވިމެންސް އެސޯސިއޭޝަން (އަވަ) ގެ ނައިބު ރައީސާ، އަދި ދިވެހި ރަހަތަކާއި އެކު ދިވެހި ކެއުންތައް ތައްޔާރުކުރުމަށް މަޝްހޫރު ޖުވެއިރިއްޔާ ވަޖުދީއެވެ.

މި ޕްރޮގްރާމުގައި ކާނާ ތައްޔާރުކުރުމުގެ އިތުރުން ގޭގައި ކޮށްލެވޭނެ ލުއި ކަސްރަތު ދަސްކޮށްދިނުމާއި ދުޅަ ހެޔޮ ސިއްޙަތެއްގައި ތިބުމަށް ރަނގަޅު ކާނާ ބޭނުންކުރާނެ ގޮތުގެ މައުލޫމާތު ފޯރުކޮށްދެވޭނެއެވެ.

45 އަހަރުން މަތީގެ މީހުންނަށް ޚާއްޞަ ކޮށްގެން ކުރިއަށް ގެންދާ މި ޕްރޮގްރާމު ބާއްވަން ހަމަޖެހިފައިވަނީ މެއި މަހުގެ 3 ވަނަ ދުވަހުގައެވެ. އެއްދުވަހުގެ މި ޕްރޮގްރާމުގައި ބައިވެރިވުމަށް ބޭނުންވާ ފަރާތްތަކުން ޕްރޮގްރާމްގައި ރަޖިސްޓަރ ކުރުމަށާއި އަދި އިތުރު މަޢުލޫމާތު ހޯދުމަށް ގުޅަން ޖެހޭ ނަމްބަރަކީ 7878981 އެވެ.