ޖުމްހޫރީ ޕާޓީ (ޖޭޕީ) އަށް ގިނަ އަދަދެއްގެ ކަނބަލުން ގުޅިއްޖެއެވެ.
ޖުމްހޫރީ ޕާޓީގެ މައި އޮފީސް މ. ކުނޫޒްގައި އޮތް މިރަސްމިއްޔާތުގައި އެ ޕާޓީ އާ އަލަށް ގުޅުނު ކަނބަލުންގެ ފޯމުތަކާއި ހަވާލުވީ އެޕާޓީގެ ނައިބް ލީޑަރު އަދި ޓްރާސްޕޯޓް މިނިސްޓަރ އައިޝަތު ނަހުލާއެވެ.
ރިޔާސީ އިންތިޚާބަށް ޖުމްހޫރީ ޕާޓީން ވަމުންދާ ތައްޔާރީތަކުގައި އެންމެ އިސްދައުރެއް އަދާކުރަމުންދަނީ މިނިސްޓަރ ނަހުލާގެ އިރުޝާދުގެ ދަށުން އެޕާޓީގެ ކަނބަލުން ނެވެ.
JP Women’s league gathering for membership drive with a heartwarming tharaavees by JP DL Madam Nahula and welcoming of new members🌺 #Alhamdulillahi @aishath_nahula @JPSecretariat @qasimibrahim#Q2023#QN2023 #Qasim2023#jpians#Hamajehumah#Qasim2023#womeninpolitics #JP pic.twitter.com/oFw5tbdaef
— JPWomensLeagueOfficial (@WomensleagueJP) April 11, 2023
އަލަށް ޖުމްހޫރީ ޕާޓީއާއި ގުޅުނު މެމްބަރުންނަށް އެޕާޓީގެ ފަރާތުން ރިޔާސީ އިންތިޚާބުގައި ވާދަކުރާ ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވަނީ މަރުހަބާ ދަންނަވާފައެވެ. އަދި އަންހެނުންގެ ލީގުންނާއި، މިނިސްޓަރ ނަހުލާ ކުރައްވާ މަސައްކަތަށް ޤާސިމް ވަނީ ޝުކުރު އަދާކޮށްފައެވެ.
ޖުމްހޫރީ ޕާޓީ އާއި އަލަށް ގުޅިވަޑައިގަތް މެންބަރުންނަށް ނުހަނު ޝުކުރުވެރިކަމާ އެކު ތަޙްނިޔާ އަރިސްކުރަމެވެ. ޕާޓީއަށް މެންބަރުން އިތުރުކުރުމަށް ލީޑަރޝިޕާއި، އަންހެނުންގެ ލީގުން ކުރައްވަމުން ގެންދަވާ ބުރަމަސައްކަތްތަކަށް ހިފެހެއްޓެމެއް ނެތި ޝުކުރުދަންނަވަމެވެ. @aishath_nahula… pic.twitter.com/2Z1FaPtorr
— Qasim Ibrahim (@qasimibrahim) April 11, 2023
ސެޕްޓެމްބަރު މަހު ބާއްވާ ރިޔާސީ އިންތިޚާބުގައި ޖޭޕީ އިން ވާދަކުރުމަށް ނިންމާފައިވާއިރު، އެ ޕާޓީގެ ރިޔާސީ ޓިކެޓު ލިބިފައިވަނީ އެ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމަށެވެ.
