ރައްޔިތުންގެ މަޖިލީހުގެ ކ.ގުރައިދޫ ދާއިރާގެ މެންބަރު އިބްރާހިމް ރިޒާގެ ކުއްލިވަކިވުމާއެކު މުޅި މަޖިލީހަށާއި ރިޒާ ނިސްބަތްވެ ވަޑައިގަންނަވާ ޕީޕީއެމްއަށް މިއަދަކީ ވަރަށް ހިތާމަވެރި ދުވަހެކެވެ.
ރިޒާ އަވަހާރަވީ ކެންސަރުގެ އާލާސްކަންފުޅުގައި ފަރުވާ ހޯއްދަވާތާ ގިނަ ދުވަސްތަކެއްފަހުން ރޭ މެލޭޝިއާގައެވެ. 17 ވަނަ ރައްޔިތުންގެ މަޖިލީހާއި އަދި 18 ވަނަ ރައްޔިތުންގެ މަޖިލީހުގައިވެސް ރައްޔިތުންނަށްޓަކައި ގިނަ މަސައްކަތްތަކެއް ކުރައްވާފައިވާ ރިޒާ އަވަހާރަވުމާއި ގުޅިގެން ރާއްޖޭގެ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުރުން މަޖިލީސް މެމްބަރުންނާއި ރިޒާ އާއި އެކު މަސައްކަތްކުރި ފަރާތްތަކުން އަންނަނީ އާއިލާއަށް ތައުޒިޔާ ކިޔަމުންނެވެ،
މި ގޮތުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ ރިޒާއަކީ ރައްޔިތުންގެ މަޖިލީސް ގެ މެމްބަރުކަން ތިން ދައުރުގައި ކުރެއްވި ރާއްޖޭގެ ސިޔާސީ ހަޔާތުގައި ނުހަނު ބޮޑު ބައިވެރިއެއްކަމަށެވެ. އަދި ރިޒާ އަކީ ރާއްޖޭގެ ސިޔާސީ ޕާޓީގެ ނިޒާމު ބަދަރުކުރުމުގެ ހިއްސާ ދާރެއްކަމަށް ރައީސް ނަޝީދު ވިދާޅުވިއެވެ. “މާތް ﷲ މަރްހޫމް އަށް ސުވަރުގެ މިންވަރު ކުރައްވާ އާއިލާއަށް ކެތްތެރިކަން ދެއްވާށި. އާމީން.” ނަޝީދުގެ މެސެޖުގައި ވިދާޅުވިއެވެ.
MP Ibrahim Riza akee Rayyithunge Majlis ge membarukan 3 dhaurehgai kurevvi Raajjeyge siyasee hayaathuge nuhanu bodu baiverieh adhi Raajje siyaasee party ge nizam ah badhalukurumuge hissadhaareh. Maaiy Allah marhoom ah suvaruge minvarukuravva, aaila ah kehtherikan dhevvashi.Aameen
— Mohamed Nasheed (@MohamedNasheed) February 23, 2023
މީގެ އިތުރުން މާމިގިލީ ދާއިރާގެ މަޖިލީސް މެމްބަރު އަދި ޖުމްހޫރީ ޕާޓީގެ ލީޑަރުކުރެއްވި ޕޯސްޓެއްގައިވަނީ ރިޒާ އަވަހާރަވި ޚަބަރު އެހީ ފުން ހިތާމަޔާއި އެކުގައިކަމަށެވެ. “މާތްﷲ، މައްޔިތާގެ ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކުރައްވާ ޢާއިލާއަށް ކެތްތެރިކަން ދެއްވާށި!” ގާސިމްގެ ޓުވިޓްގައި ވިދާޅުވިއެވެ.
اناللہ واناالیہ راجعون ކ. ގުރައިދޫ ދާއިރާ ގެ ރައްޔިތުންގެ މަޖިލީހުގެ މެމްބަރު އަލްއުސްތާޛު އިބްރާހީމް ރިޟާ އަވަހާރަވި ޚަބަރު އެހީ ފުން ހިތާމަޔާއި އެކުގައެވެ.
މާތްﷲ، މައްޔިތާގެ ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކުރައްވާ ޢާއިލާއަށް ކެތްތެރިކަން ދެއްވާށި! pic.twitter.com/7HSjKf2BVi— Qasim Ibrahim (@qasimibrahim) February 23, 2023
ޕީޕީއެމް/ޕީއެންސީން ނެރުނު ބަޔާނެއްގައި ބުނެފައިވަނީ ރިޒާ އަވަހާރަވި ހަބަރު އެ ކޯލިޝަންގެ އެންމެހައި މެންބަރުން އެހީ ވަރަށްވެސް ފުން ހިތާމައާއި އަސަރާއެކު ކަމަށެވެ. މީގެ އިތުރުން ކޯލިޝަނުން ނެރުނު ބަޔާނުގައި ބުނީ ރިޒާއަކީ ރައްޔިތުންގެ މަޖިލީހުގެ މެންބަރެއްގެ ގޮތުގައި ވަރަށް ދިގު މުއްދަތަކަށް ހުންނަވައިގެން އަދި ޤާނޫނީ ވަކީލެއްގެ ގޮތުގައިވެސް ދިވެހި ދައުލަތަށްވެސް އަގު ނުކުރެވޭ ހިދުމަތްތަކެއް އިހުލާސްތެރިކަމާއެކު ކުރެއްވި ބޭފުޅެއްކަމަށެވެ.
