ޔުނޮޕްސް އިން ކްލައިމެޓް ޗޭންޖިންގ ގެ ނަމުގައި ދިވެހިރާއްޖޭގެ އިސްލާމީ ޔުނިވަރސިޓީ އާއި ގުޅިގެން ބޭއްވުނު މަޒުމޫނު ލިޔުމުގެ މުބާރާތް 2021 ގެ ނަތީޖާ ފާޅުކުރުމުގެ ރަސްމިއްޔާތު ބާއްވައިފިއެވެ.
ދިވެހިރާއްޖޭގެ އިސްލާމީ ޔުނިވަރސިޓީގައި މިއަދު މެންދުރު 14:00 ގައި ބޭއްވި މި ރަސްމިއްޔާތުގައި UNOPS ގެ ކަންޓްރީ މެނޭޖަރ ފޮރ މޯލްޑިވްސް އެންޑް ސްރީލަންކާ – ސުދީރު މުރަލިދަރަން އާއި ސީނިއަރ ޕާޓްނާޝިޕް އެނެލިސްޓް ފޮރ މޯލްޑިވްސް – މާކޯ ޕެލެރޭ އާއި ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރ ޑރ. އިބްރާހިމް ޒަކަރިއްޔާ މޫސާ އަދި ޔުނިވަރސިޓީގެ އިސްވެރިނާއި މުވައްޒަފުންނާއި ދަރިވަރުން ބައިވެރިވެވަޑައިގެންނެވިއެވެ.
ހަތަރު ބައިވެރިންނާއި އެކު ކުރިއަށްގެންދިޔަ މި މުބާރާތުގައި 1 ވަނައަށްދިޔަ ފަރާތްކަމުގައިވާ އާމިނަތު ފައިހާ ނަސީމަށް UNOPS ގެ ފަރާތުން USD2000 (2000 ޑޮލަރު)ގެ ޗެކެއް ޓިއުޝަން ސަބްސިޑީގެ ގޮތުގައި ވަނީ ދީފައެވެ.
މި ޗެކް ހަވާލުކޮށްދެއްވީ UNOPS ގެ ކަންޓްރީ މެނޭޖަރ ފޮ މޯލްޑިވްސް އެންޑް ސްރީލަންކާ- ސުދީރު މުރަލިދަރަން އެވެ. އަދި މި މުބާރާތުގައި ބައިވެރިވި ފަރާތްތަކަށް ހަނދާނީ ލިޔުންވަނީ ހަވާލުކޮށްފައެވެ. ބައިވެރިންނަށް ސެޓްފިކެޓް ހަވާލުކޮށްދެއްވީ، ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރ ޑރ. އިބްރާހީމް ޒަކަރިއްޔާ މޫސާއެވެ.
