މިދިޔަ މަހުގެ އަށްވަނަ ދުވަހު 15 އެމްބިއުލާންސެއް އެސްޓީއޯ މެދުވެރިކޮށް ރާއްޖެ ގެނެސްފައިވާއިރު، މިމަހު އެމްބިއުލާންސް ފޮނުވާފައިވަނީ އެ ޚިދުމަތް ފޯރުކޮށްނުދެވި ހުރި ރަށްތަކަށް ޒަމާނީ އެމްބިއުލާންސްތައް މާޗް މަހު ފޮނުވާނެ ކަމަށް ރައީސް ސާލިހް ވަނީ ވިދަލުވެފައެވެ.

ރާއްޖެއަށް އެމްބިއުލާންސް ގެނައުމަށްޓަކައި ހެލްތު މިނިސްޓްރީ އާއި ފިނޭންސް މިނިސްޓްރީން އަދި އެސްޓީއޯ އާ އެކު ފަހުމުނާމާއެއްގައި ސޮއިކުރީ މިދިޔަ އަހަރުގެ ޖުލައި މަހުގެ 10 ވަނަ ދުވަހުއެވެ.

އެމްބިއުލާންސްގެ ޚިދުމަތަކީ ކޮންމެ ރަށަކަށް ވެސް މުހިންމު ޚިދުމަތަކަށްވާއިރު، ބަލި މީހުން ބަރޯއާއި ގާޑިޔަލުގައި އުފުލާ މަންޒަރުތައް ޢާންމުވެ، ސަރުކާރަށް ވަރަށް ބޮޑެތި ފާޑުކިޔުންތައް އަންނަނީ އަމާޒުވަމުންނެވެ. އަދި އެމްބިއުލާންސްގެ ޚިދުމަތް މެނދުކެނޑިފައި އޮތުމުން ނުވަތަ ނުލިބުމުން ރަށްރަށުން އަންނަނީ ގިނަދަތިތަކާ ކުރިމަތިލަމުންނެވެ.