އައްޑޫ ސިޓީގެ ހުޅުދޫ އަވަށުއޮފީހުގައި ކުރަންޖެހޭ މަރާމާތުގެ މަސައްކަތް ކޮށްދޭނެ ފަރާތެއް ބޭނުންވެގެން ކައުންސިލުން އިއުލާންކޮށްފިއެވެ.
މި މަހުގެ 5 ވަނަ ދުވަހު އެ އިދާރާއިން އާންމުކޮށްފައިވާ އިއުލާނެއްގައި ވަނީ އެ އިދާރާއިން ދޭ މައުލޫމާތާއި އެއްގޮތަށް އޮފީސް މަރާމާތު ކޮށްދޭނެ ފަރާތެއް ހޯދަން ބޭނުންވާ ކަމަށެވެ.
” މިކަމަށް ޝައުގުވެރިވެ ވަޑައިގަންނަވާ ފަރާތްތަކުން މައުލޫމާތު ސާފުކުރެއްވުމަށްފަހު އަންދާސީހިސާބު ހުށަހެޅުއްވުން އެދެމެވެ. މައުލުމާތު ދިނުން އޮންނާނީ، 2017 އޮކްޓޯބަރ 11 ވާ ބުދަ ދުވަހުގެ 11:00 ގައި ހުޅުދޫ އަވަށު އޮފީހުގައްޔާއި، މިއިދާރާގެ ކޮންފަރެންސް ހޯލުގައެވެ. ” ކައުންސިލްގެ އިއުލާނުގައިވެއެވެ.
މި މަސައްކަތަށް އެދި ހުޅުދޫ އަވަށު އޮފީހުން މަޢުލޫމާތު ސާފުކުރި ފަރާތްތަކުން އަންދާސީހިސާބު ހުށަހަޅަން ޖެހެނީ ހުޅުދޫއަވަށު އޮފީހަށެވެ. ކައުންސިލް އިދާރާއިން މައުލޫމާތު ސާފުކުރި ފަރާތްތަކުން އަންދާސީހިސާބު ހުށަހަޅުއްވާނީ އެ އިދާރާއަށެވެ. އަންދާސީހިސާބު ބަލައިގަތުން އޮންނާނީ 2017 އޮކްޓޯބަރ 17 ވާ އަންގާރަ ދުވަހުގެ 11:00 އެވެ.
