“ގެމަނަފުށީ ސުކޫލް އެއްދަންފަޅިއަށް ބަދަލުވުން! މިއަދަކީ ގެމަނަފުށީ ސުކޫލަށް ތާރީޚީ ދުވަހެކެވެ. ސުކޫލް އެއްދަންފަޅިއަށް ބަދަލުވެ ދަރިވަރުންނާއި މުވައްޒަފުން އަދި ބެލެނިވެރިން އެތައް ދުވަސްތަކެއް ވަންދެން ތަޙައްމަލް ކުރަމުން އައި ދަތިއުދަގޫތައް ނިމުމަކަށް އައި ދުވަހެވެ.” ޖަނަވަރީ 16 ގައި ކޮށްފައިވާ ޕޯސްޓެއްގައި ބުނެފައިވެއެވެ.

މީގެ އިތުރުން އެއްދަންފަޅިއަށް ބަދަލުވުމުން ލިބޭފައިދާތައް ގިނަގުނަ ކަމަށާއި ޚާއްސަކޮށް ދަރިވަރުންގެ ކިޔެވުމަށާއި ސުކޫލުގައި އިތުރު ހަރަކާތްތައް ހިންގުމުގައި ވަރަށް ބޮޑު ފަސޭހަކަމެއް ލިބިގެންދާ ކަމަށް ވަނީ ބުނެފައެވެ. އެހެންކަމުން ތައުލީމީ ދާއިރާއާއި ހަވާލުވެ ހުންނެވި ހީވާގި ވަޒީރަށާއި މިއަދުގެ ސަރުކާރަށް މެނޭޖްމަންޓްގެ ނަމުގައި ހިތުގެ އިޙްލާސްތެރި ޝުކުރު ފަށްފަށްކޮށް ދަންނަވާ ކަމަށް ވެސް ވަނީ ބުނެފައެވެ.

2019 ވަނަ އަހަރުގެ PSIP ގެ ދަށުން ކުރިއަށް ގެންދިޔަ މި މަސައްކަތް 9,901,908.07 (ނުވަ މިލިއަން ނުވަލައްކަ ނުވަސަތޭކަ އަށް ރުފިޔާ ހަތް ލާރި) އަށް ހަވާލުކުރީ ސުވިފްޓް އިންޖީނިއަރިންގ ޕްރައިވެޓް ލިމިޓެޑްއާއެވެ.

2 ޑިސެމްބަރ 2019 ގައި އެ ކުންފުންޏާ މި މަސައްކަތް ހަވާލުކުރީ 365 ދުވަހުގެ ތެރޭގައި ނިންމާ ގޮތަށެވެ.