ކޮމަންޑޫ ދާއިރާއަށް އެހެން ޕާޓީތަކުން މިފަހަރު ކުރިމަތިލުމަކީ ވަރަށް ލަދުވެތިކަމެއް ކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.
އޭނާ މިހެން ވިދާޅުވީ އިދިކޮޅު ފަރާތްތަކުން ކޮމަންޑު ދާއިރާއަށް ވާދަކުރަން ނިންމާފައިވާތީ އެކަމަށް އިޖާބަދެއްވައެވެ.
މެމްބަރު ނިހާދު ކުރައްވާފައިވާ ޓްވީޓެއްގައި ވިދާޅުވެފައިވަނީ އެ ދާއިރާއަށްޓަކައި އަދި އިސްލާހަށް ޤުރުބާންވެވަޑައިގެންނެވި އެދާއިރާގެ ކުރީގެ މެންބަރު މަރްހޫމް ޙުސައިން ވަޙީދުގެ ހައްގުގައި ވެސް އެއްވެސް ޚުލްގެއް ހުރިބަޔަކު އެ ދާއިރާއަށް ވާދަކުރުމަށް ނުނިކުންނާނެކަމަށެވެ.
ބިލިއަނުން ޑޮލަރާއި، އެ ދާއިރާގެ ޓިކެޓް ދީފައި ވާދަކުރަން ބުނިނަމަވެސް ނުކުރާނެކަމަށް ބުނެ، އިދިކޮޅު ފަރާތްތަކަށް ނިހާދު ވަނީ ވަރަށްބޮޑަށް ފާޑުވިދާޅުވެފައެވެ.
Komandoo Dhaairaa ah Ehen party thakun mi faharu kurimathi lumakee varah ladhuvethi kameh! E dhaairaa ah takai + Islaah ah Gurubaan vevadaigennevi MP HussAin ge haggugai ves ehves khulgeh huri bayaku nunikunnaane! Billion $ + ticket dheefa buni namaves alhugandu nunikutheemus!
— Feydhoo Meehaa (Mohamed Nihad) (@nihad_m) January 9, 2022
ކޮމަންޑޫ ދާއިރާގެ މަޖިލިސް ގޮނޑި ހުސްވީ އެދާއިރާގެ މެންބަރުކަންކުރެއްވި ޙުސައިން ވަޙީދު ކެންސަރުގެ އާލާސްކަންފުޅުގައި އަވަހާރަވުމާ ގުޅިގެންނެވެ.
ހުސްވެފައިވާ އެ ދާއިރާއަށް ވެރިކަންކުރާ މައި ޕާޓީ އެމްޑީޕީ އާއި އިދިކޮޅު ޕީޕީއެމް އަދި އެމްއެންޕީން ވާދަކުރުމަށް ނިންމައި، ކެންޑިޑޭޓުން ވެސް ވަނީ ހޮވާފައެވެ.
ކޮމަންޑޫ ދާއިރާގެ އިންތިޚާބު ބޭއްވުމަށް އިލެކްޝަންސް ކޮމިޝަނުން ނިންމާފައިވަނީ އަންނަ ފެބްރުވަރީ މަހުގެ 5 ވަނަ ދުވަހުއެވެ.
