މި ފެށޭ ފެބްރުއަރީ މަހު މާލެއާއި އެއް ފެންވަރެއްގައި ހުވަދުއަތޮޅުގައި ޑެންޓަލް ހިދުމަތް ފެށޭވަރު ވާނެ ކަމަށް “އެސް.އެމް.ސީ ވައިޓަލް ކެއަރ ކްލިނިކް” އިން ބުނެފިއެވެ.
އެގޮތުން ގދ. ތިނަދޫގައި ޑެންޓަލް ހިދުމަތް ދިނުމަށް ސަދަން މެޑިކަލް ސެންޓަރ (އެސް.އެމް.ސީ) އިން ވަނީ ވައިޓަލް ކެއަރ ކްލިނިކް އާއެކު އެއްބަސްވުމެއްގައި ސޮއިކޮށްފައެވެ.
މިއަދު ސޮއިކުރެވުނު އެއްބަސްވުމާއެކު، އެސް.އެމް.ސީ ގެ ނަން “އެސް.އެމް.ސީ ވައިޓަލް ކެއަރ ކްލިނިކް” ގެ ނަމަށް ރީބްރޭންޑްކޮށް ހިދުމަތް ފެށިގެންދާއިރު ފުޅާދާއިރާއެއްގައި ޑެންޓަލް ހިދުމަތް ތިނަދޫއިން ލިބިގެންދާނެއެވެ. މިގޮތުން ދަތް އުފުރުމާއި، ދަތް ޖެހުމާއި، ނަރުގަނޑު އެޅުވުމާއި، ދަތް ސާފުކުރުމާއި، ދަތުގައި ކެޕް އެޅުވުމާއި ދަތުގެ އެކްސްރޭ ފަދަ ގިނަ ހިދުމަތްތަކެއް އެކްލިކުން ލިބިގެންދާނެއެވެ.
އެސް.އެމް.ސީ ގެ ފަރާތުން މި އެއްބަސްވުމުގައި ސޮއިކުރެއްވީ، މެނޭޖިންގ ޑިރެކްޓަރ އަޙުމަދު ޖުނެއިހު ޒާހިރު އެވެ. އަދި ވައިޓަލް ކެއަރގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ، ޑރ. މުޙައްމަދު މުތުއިމް އެވެ.
