ގދ. ކާޑެއްދޫ އެއަރޕޯޓް ވިލާ އެއަރއާ ހަވާލުކުރުމަށް ސުޕްރީމް ކޯޓުން ހުކުމްކޮށްފައި ވީނަމަވެސް، އެއްބަސްވުމުގައި ހިމެނޭ ފަޅުރަށެއް ހިމާޔަތްކޮށްފައި އޮތުމުން އަދިވެސް ވިލާ އެއަރ އާއި އެއަރޕޯޓް ހަވާލުނުކުރެވި އޮތް ކަމަށް ޓްރާންސްޕޯޓް މިނިސްޓަރު އައިޝަތު ނަހުލާ ވިދާޅުވެއްޖެ އެވެ.
މިނިސްޓަރ މިހެން ވިދާޅުވެފައި ވަނީ މިއަދު ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށް މިނިސްޓަރ ނަހުލާ އަދި އެމިނިސްޓްރީގެ އިސްބޭފުޅުން ހާޒިރުކޮށް ކުރި ސުވާލަށް ޖަވާބު ދެއްވަމުންނެވެ.
އެ ކޮމިޓީގެ މަހިބަދޫ ދާއިރާގެ މެންބަރު އަހުމަދު ތޯރިގު ކުރެއްވި ސުވާލަކަށް ޖަވާބުދެއްވަމުން މިނިސްޓަރ ނަހުލާ ވިދާޅުވީ، ސުޕްރީމް ކޯޓުގެ ނިންމުން ތަންފީޒުކުރުމަށްޓަކައި ރައީސް އޮފީސް، ފިނޭންސް މިނިސްޓްރީ، ޓުއަރިޒަމް މިނިސްޓްރީ އަދި އެޓާނީ ޖެނެރަލްގެ އޮފީހަށް ލަފަޔަށް އެދިފައި ވާނެ ކަމަށެވެ.
