ގދ ގައްދޫ ކައުންސިލުން އެރަށުގެ ޒުވާނުންނަށް ހާއްސަކޮށްގެން ބާއްވާ ކުރެހުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
ގައްދޫ ކައުންސިލުން ބުނީ މި މުބާރާތުގައި ބައިވެރިވުމުގެ ފުރުސަތު 18 އަހަރާއި 35 އަހަރާއި ދެމެދުގެ ޒުވާނުންނަށް ހުޅުވާލާފައިވާކަމަށެވެ. މުބާރާތުގައި ބައިވެރިވުމަށް ރަޖިސްޓްރީކުރުމުގެ އެންމެ ފަހުގެ ތާރީހަކީ 21 އޮކްޓޯބަރު 2021 ވަނަ ދުވަހުގެ 11:30 ކަމަށްވެސް އެ ކައުންސިލުން ވަނީ ބުނެފައެވެ. ހަތަރު ތީމަކަށް ބަހާލައިގެން ކުރިއަށްދާ މި މުބާރާތުގެ ކުރެހުން އޮންނާނީ މިމަހުގެ 22 ވަނަ ދުވަހުގެ ހަވީރު 16:00 ގައި ގައްދޫގައި ހުންނަ ގދ. އަތޮޅު ސްކޫލުގައެވެ
މ މުބާރާތުގައި ކުރެހުމަށް ހަމަޖެހިފައިވާ ތީމްތަކަކީ:
މި މުބާރާތުގެ އެއްވަނަ އަށްދާ ފަރާތަކަށް 5000 ރުފިޔާގެ ފައިސާގެ ދިނުމަށް ހަމަޖެހިފައިވާއިރު މުބާރާތުގެ ދެވަނައަށް ދާ ފަރާތަކަށް 3000 ރުފިޔާ ދިނުމަށް ވަނީ ހަމަޖެހިފައެވެ. އަދި މުބާރާތުގެ ތިން ވަނައަށްދާ ފަރާތަކަށް 2000 ރުފިޔާ ދިނުމަށް ވަނީ ހަމަޖެހިފައެވެ.