މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް ، އަޙުމަދު މަޙްލޫފް ތިނަދޫ ދެކުނު ދާއިރާގެ މަޖިލިސް މެންބަރު ޢަބްދުﷲ ސަނީފާއި ބައްދަލުކުރައްވައިފިއެވެ.
މި ބައްދަލުވުމުގައި ތިނަދޫގައި ތަރައްގީކުރުމަށް ހަމަޖެހިފައިވާ ސިންތެޓިކް ޓްރެކް މަޝްރޫއު އާއި ތިނަދޫ ޓާފް ދަނޑުގައި ޓާފް އެޅުމުގެ މަޝްރޫއު އާ ގުޅޭގޮތުން ވަނީ މަޝްވަރާކޮށްފައެވެ.
ގދ. ތިނަދޫ ސިންތެޓިކް ޓްރެކް ތަރައްގީކުރުމުގެ މަސައްކަތް މިއަހަރު ފެށިގެންދާނެ ކަމަށް ޔޫތު މިނިސްޓަރ ވަނީ މިއަހަރުގެ ކުރީކޮޅުގައި ވިދާޅުވެފައެވެ. އިންޑިއާ އެކްޒިމް ބޭންކްގެ ލޯން އެހީގައި ހަރަދުކުރުމަށް ހަމަޖެހިފައިވާ އެ މަޝްރޫއު ޕްލޭންކޮށް، ޕްރޮޕޯސަލް ހުށަހަޅާފައިވީ ނަމަވެސް މިއަދާ ހަމައަށް އެ މަޝްރޫއުގެ އަމަލީ މަސައްކަތް ފެށިފައި ނުވެއެވެ.
