އައްޑޫ ސިޓީގައި ޖުމްލަ 12 ގޭންގެއް ހަރަކާތްތެރިވަމުން އަންނަ ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
އައްޑޫގައި ކުށްކުރާ މީހުންގެ އަދަދު ގިނަ ކަން ފާހަގަކުރައްވަމުން ސިޕީ ހަމީދު ވިދާޅުވީ އައްޑޫ ސިޓީގައި ކުށްތަކަށް އަރައިގަންނަ 12 ވަރަކަށް ގުރޫޕު އުޅޭ ކަމަށެވެ. އަދި މި ގުރޫޕުތައް މެދުގައި މާރާމާރީތައް ހިނގާ މައްސަލައަކީ މިހާރު އައްޑޫގައި ބޮޑު މައްސަލައެއްކަމަށް ސީޕީ ހަމީދު ވިދާޅުވިއެވެ.
އައްޑޫގެ މަސްތުވާތަކެތީގެ މައްސަލައާއި ގޭގެ އަށް ވަދެ އަދި ކުދި ކުށްތައް ކުރާ މީހުންގެ މައްސަލަވެސް އިތުރުވެފައިވާކަން ފާހަގަކުރައްވަމުން ސީޕީ ހަމީދު ވިދާޅުވީ އްޑޫއިން މަސްތުވާތަކެތި ބޭނުންކުރާ ގާތްގަނޑަކަށް 1540 މީހުން އުޅޭ ކަމުގެ މައުލޫމާތު ލިބިފައިވާކަމަށެވެ.
އިތުރަށް ސިޕީ ވިދާޅުވީ މިފަދަ މައްސަލަތައް ހައްލުކޮށް ކުށްތަކަށް އަރައިގަންނަ މީހުންގެ އަދަދު މަދު ކުރެވޭނީ ގާނޫނުން އެ މީހުންނަށް ދޭން ޖެހޭ އަދަބު ދެވިގެންކަމަށެވެ.
