މިރޭ މާމެންދޫގައި ހިނގާދިޔަ ލާއިންސާނީ ލޭ އޮހޮރުވުން ތަޙުގީގު ކުރަމުން އަންނަ ކަމަށާއި މިހާތަނަށް އެކަކު ފުލުހުންގެ ބެލުމުގެ ދަށަށް ގެނެސްފައިވާކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވެއްޖެއެވެ. ގއ. އަތޮޅާއި ކައިރި ހިސާބުތަކުގައި ތިއްބެވި އޮފިސަރުން މާމެންދޫގައި ހިންގާ ތަޙުގީގަށް ދޫކުރެވިފައިވާ އިރު ކްރައިމް އިންވެސްޓިގޭޝަން ކޮމާންޑްގެ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ކުރިއަށް ގެންދަވާ މި ތަޙުގީގުގައި ހިމެނޭ އިތުރު ޓީމެއް ވަރަށް އަވަހަށް މާމެންދޫއަށް ދާނެ ކަމަށް ޕޮލިސް ކޮމިޝަނަރ ޙަމީދު ވިދާޅުވިއެވެ.
ޓުވިޓާ މެދުވެރިކޮށް ދެއްވި މެސެޖްގައި މި ހިނގަމުންދާ ތަޙުގީގަށް މާމެންދޫގެ ރައްޔިތުންގެ އެހީތެރިކަމާއި އެއްބާރުލުމަށް އެދިވަޑައިގެންފައި ވެއެވެ.
We are investigating a fatal stabbing incident in GA Maamendhoo that resulted in the death of a 17 year old boy and another critically wounded. One suspect has been taken in to police custody. Officers from nearby islands in GA atoll have been dispatched to assist Maamendhoo team
— Mohamed Hameed (@M_Hameedh) February 8, 2021
މިރޭ މާމެންދޫގައި ހިނގި ގްރޫޕް މާރާމާރީއެއްގައި ގއ. މާމެންދޫ ލިލީއޮފް ދަ ވެލީ އުމުރުން 17 އަހަރުގެ އަޙްމަދު އުދައްޔު ވަނީ ވަޅިން ހަމަލާދީ މަރާލާފައެވެ. މިމާރާމާރީގައި އުދައްޔު މަރުވީ ސީރިއަސް ޒަޚަމް ތަކަކާއެކު ގއ. އަތޮޅު ހޮސްޕިޓަލުގައި ފަރުވާ ދެމުން ދަނިކޮށެވެ.. މި މާރާމާރީގައި ޒަޚަމް ވި އިތުރު މީހަކަށް މާމެންދޫ ސިއްހީ މަރުކަޒުގައި ފަރުވާ ދެމުން އަންނަ ކަމަށް ފުލުހުން ވަނީ ވިދާޅުވެފައެވެ.
