ފުޓްބޯޅަ އެސޯސިއޭޝަން އޮފް މޯލްޑިވްސްގެ ރެފްރީޒް ޑިޕާޓްމަންޓް ހިންގުމާއި ހަވާލުވެހުރި ރެފްރީ އަހުމަދު އަމީޒް އެ މަގާމުން ވަކިކޮށް އުރީދޫ ޕްރިމިއަ ލީގުގައި މާޒިޔާ އާއި ގްރީން ސްޓްރީޓްސް ލީގުގައި ކުޅުނު މެޗްގެ ދެވަނަ ހާފްގައި ރެފްރީކަން ކުރި މުހައްމަދު ނިއުޝާދު ވަގުތީ ގޮތުން ސަސްޕެންޑްކޮށްފި އެވެ.
އެފްއޭއެމް އިން އެ އެސޯސިއޭޝަންގެ ރެފްރީސް ޑިޕާޓްމަންޓްގެ ރެފްރީޒް ޑިޕާޓްމަންޓް ހިންގުމާއި ހަވާލުވެހުރި ރެފްރީ އަހުމަދު އަމީޒް އެ މަގާމުން ވަކިކޮށްފައިވަނީ ރެފްރީޒް ޑިޕާޓްމަންޓްގެ ހިންގުން އިތުރަށް ހަރުދަނާ ކުރުމަށާއި އެފްއޭއެމްގެ އިދާރީ އޮނިގަނޑު މުރާޖައާކޮށް އަލުން އެކުލަވާލުމަށް ހަމަޖެހިފައިވާތީ ކަމަށް ބުނެއެވެ.
އެފްއޭއެމްއިން މިއަދު ނެރެފައިވާ ނޫސް ބަޔާނެއްގައި ބުނެފައިވަނީ އުރީދޫ ދިވެހި ޕްރިމިއާ ލީގުގެ ގިނަ ކްލަބްތަކަކުން ތަކުރާރުކޮށް މުހައްމަދު ނިއުޝާދުގެ މައްސަލަތަކެއް އެސޯސިއޭޝަނަށް ހުށައަޅާފައިވާތީވެ، މި މައްސަލަތައް އެސޯސިއޭޝަނުގެ ރެފްރީޒް ކޮމިޓީން ބަލައި ވަކި ގޮތެއް އަންގަވަންދެން، އެފްއޭއެމްއިން ރާވާ ހިންގާ މުބާރާތްތަކުގެ މެޗްތަކުގައި ރެފްރީކަން ނުކުރެވޭ ގޮތަށް ވަގުތީ ގޮތުން ސަސްޕެންޑް ކުރެވިފައިވާ ކަމަށެވެ.
އަދި އެފްއޭއެމްގެ ރެފްރީސް ޑިޕާޓްމަންޓް ހިންގުން އިތުރަށް ހަރުދަނާ ކުރުމަށްޓަކައި، އެފްއޭއެމުގެ އިދާރީ އޮނިގަނޑު މުރާޖައާކޮށް އަލުން އެކުލަވާލުމަށް ހަމަޖެހިފައިވާތީވެ، އެ ޑިޕާޓްމަންޓާއި މިހާރު ހަވާލުވެ ހުންނެވި އަހުމަދު އަމީޒް ވަޒީފާއިން ވަކިކުރެވިފައިވާ ކަމަށް އެފްއޭއެމްގެ ބަޔާނުގައި ބުނެފައިވެ އެވެ.
