މިއަހަރު ޑިސެމްބަރު މަހުގައި ކޯޓްތަކުގެ ރިސެސް މުއްދަތުގައިވެސް ޝަރީއަތްތައް ކުރިޔަށް ގެންދާން ހައިކޯޓުން ނިންމައިފިއެވެ.
ރިސެސްގެ މުއްދަތުގައި ޝަރިޢަތްތައް ކުރިއަށް ގެންދަން ހައިކޯޓުގެ ފަނޑިޔާރުންގެ އާއްމު މަޖިލީހުން ނިންމަވައިފިއެވެ. pic.twitter.com/T03SLSBZZa
— High Court of the Republic of Maldives (@mvhighcourt) November 29, 2020
ކޯޓްތަކުގެ ޤާނޫނާ ޚިލާފަށް މިއަހަރު ކޯޓްތަކުގެ ރިސެސް މުއްދަތުގައި ކުއްލި މައްސަލަތަކާއި، ކޮންމެހެން ހިންގަން ޖެހޭ އަވަސް ތަބީޢަތުގެ މައްސަލަތައް ކުރިޔަށް ގެންދިޔުމަށް ހައިކޯޓުގެ ފަޑިޔާރުންގެ އާއްމު މަޖުލީހުން މިވަނީ ނިންމާފައެވެ. ހައިކޯޓުން މިގޮތަށް ނިންމީ ކޯޓުތަކުގައި ނުނިމި ހުރި މައްސަލަތައް މަދުކުރުމަށާއި ވަގުތުން ވަގުތަށް ފިޔަވަޅު އަޅަންޖެހޭ މައްސަލަތައް ނިންމުމުގެ ބޭނުމުގައެވެ.
ކޯޓްތަކުގެ ޤާނޫނުގައިވާގޮތުން ކޮންމެ އަހަރަކު ޑިސެމްބަރު މަސް ފެށުމުން ސްޕްރީމްކޯޓާއި ހައި ކޯޓުގެ އިތުރުން ދެން ތިބި ކޯޓުތައްވެސް އެއްމަސް ދުވަހުގެ ރިސެސްއަކަށް ދާންޖެހެއެވެ.
ރިސެސް ކުރުމަކީ ސަރުކާރުގެ އިދާރާތަކުގެ މަސައްކަތްތައް ވަކިމުއްދަތަކަށް ހުއްޓާލުމެވެ. ކޮންމެ އަހަރަކުވެސް ޑިސެމްބަރ މަހަކީ ކޯޓްތަކުގައި ހިނގާ ޝަރީއަތްތައް މެދުކަނޑާލަން ޤާނޫނުގައި ކަނޑައަޅާފައިވާ މުއްދަތެކެވެ.
