މިނިސްޓްރީ އޮފް ޔޫތު، ސްޕޯރޓްސް އެންޑް ކޮމިއުނިޓީ އެމްޕަވަރމަންޓުން މިހާތަނަށް 37 ރަށަކަށް ކުޑަކުދިންގެ ޕާކު ސެޓު ފޮނުވާފައިވާނެ ކަމަށް، ޔޫތު މިނިސްޓަރ އަޙްމަދު މަހުލޫފް ވިދާޅުވެއްޖެ އެވެ.
މަހުލޫފް މިހެން ވިދާޅުވީ އިއްޔެ ކުރެއްވި ޓްވީޓެއްގަ އެވެ.
Youth Ministry inn mihaathanah 37 rashakah kudakudhinge park vaanee fonuvaafa. Iraadhakureviyyaa kuriah oiy 4 mastherey ithuru 68 rashah park fonuveyne.
Park thah maraamaathukoh belehettumakee Council thakuge zinmaathereyga himeney kameh.
— Ahmed Mahloof (@AhmedMahloof) July 17, 2020
އެ ޓްވީޓްގައި މަހުލޫފް އިތުރަށް ވިދާޅުވެފައި ވަނީ އިރާދަކުރެއްވިއްޔާ ކުރިއަށް އޮތް ހަތަރު މަސް ދުވަހުގެ ތެރޭގައި އިތުރު 68 ރަށަކަށް ކުޑަކުދިންގެ ޕާކު ފޮނުވޭނެ ކަމަށެވެ. އެހެންނަމަވެސް މިހާތަނަށް ޕާކު ސެޓުތައް ފޮނުވާފައި ވަނީ ކޮން ރަށްތަކަށް ކަމެއް މިނިސްޓަރގެ ޓްވީޓްގައި ހާމަކުރައްވާފައެއް ނުވެއެވެ.
މީގެ އިތުރުން މަހުލޫފް ވިދާޅުވީ ޕާކުތައް މަރާމަޓުކޮށް ބެލެހެއްޓުމަކީ ކައުންސިލްތަކުގެ ޒިންމާތަކުގެ ތެރޭގައި ހިމެނޭ ކަމެއް ކަމަށެވެ.
މިހާރުވެސް ޔޫތު މިނިސްޓްރީން ވަނީ 33 ރަށަކަށް ކުޑަކުދިންގެ ޕާރކްސެޓް ހޯދުމަށް އިޢުލާންކޮށްފަ އެވެ.
އައްޑޫ ސިޓީގެ އެކި އަވަށްތަކުގައިވެސް ކުޑަކުދިންގެ ޕާކުތައް ޤާއިމްވެފައިވާއިރު، އެ ތަންތަން އެކަށީގެންވާ ފެންވަރެއްގައި ރަނގަޅަށް ނުބެލެހެއްޓުމުގެ ސަބަބުން ވަރަށް ބޮޑަށް ވަނީ ހަލާކުވެފައެވެ.
