އައްޑޫ ސިޓީގައި އިޖުތިމާޢީ ފެތުރުމެއް ފެށުމުން އެކަމާމެދު ހިތާމަކުރައްވާ ކަމަށް ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު ޣައްސާން މައުމޫން ވިދާޅުވެއްޖެ އެވެ.
ޣައްސާން މިހެން ވިދާޅުވީ މިއަދު ކުރެއްވި ޓްވީޓެއްގައެވެ.
Addu City gai community spread feshuneema hithaama kuran. Vaguthu faaithu vejje. @WHO aai ehen sihhee maahirun buna gothun mi bali fethurun control kurumuge emme muhimmu fiyavalhakee test kurun. Raajjeyge kan kolhu thakuga test kuran vejje. Test, trace, isolate, treat. https://t.co/zZtlmtraYW
— Mohamed Ghassan Maumoon (@mgmaumoon) May 9, 2020
އެ ޓްވީޓްގައި ޣައްސާން ވިދާޅުވެފައި ވަނީ އައްޑޫގައި އިޖުތިމާޢީ ފެތުރުމެއް ފެށުނީމައި ހިތާމަކުރައްވާ ކަމަށާއި، ވަގުތު ފާއިތުވެއްޖެ ކަމަށެވެ.
މީގެ އިތުރުން ޣައްސާން ވިދާޅުވީ ދުނިޔޭގެ ޞިއްޙަތު ޖަމިއްޔާ (ޑަބްލިއުއެޗްއޯ) އާއި އެހެން ސިއްހީ މާހިރުން ބުނާ ގޮތުގައި މި ބަލި ފެތުރުން ކޮންޓްރޯލް ކުރުމުގެ އެންމެ މުހިންމު ފިޔަވަޅަކީ ޓެސްޓުކުރުން ކަމަށެވެ.
“ރާއްޖޭގެ ކަންކޮޅުތަކުގައި ޓެސްޓް ކުރަންވެއްޖެ. ޓެސްޓް، ޓްރޭސް، އައިސޮލޭޓް، ޓްރީޓް”، ޣައްސާން ވިދާޅުވި އެވެ.
ޣައްސާން މިހެން ވިދާޅުވިއިރު، ދުނިޔޭގައި ހަލުވިކަމާއެކު ފެތުރެމުން އަންނަ ކޮވިޑް-19 އަށް މިއަދު އައްޑޫ ސިޓީން ފުރަތަމަ ފަހަރަށް މީހަކު ވަނީ ޕޮޒިޓިވްވެފައެވެ. އެކަމާއި ގުޅިގެން މިއަދުން ފެށިގެން 14 ދުވަހުގެ މުއްދަތަށް އައްޑޫ ވަނީ މުޅިން ފުރަބަންދުކޮށްފަ އެވެ.
