ޝެރަޓަން އައިލެންޑް ރިސޯޓުން ކޮރޯނާވައިރަސް، ކޮވިޑް-19 އަށް ޓެސްޓު ކުރި ދެ ސާމްޕަލް ނެގެޓިވް ވެފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭއިން މިއަދު ކޮށްފައިވާ ޓުވީޓެއްގައި ބުނެފައިވަނީ، ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ޝެރަޓަން އައިލަންޑް ރިސޯޓު ނެގި 2 ޓެސްޓުގެ ނަތީޖާ ނެގެޓިވް ވެފައިވާތީ އެ ރަށްތަކުން މޮނިޓަރިންގްގެ ހާލަތުން ނަގާފައިވާކަމަށެވެ.
#ކޯވިޑް19 އަށް ޝައްކުކުރެވޭ އަލާމާތްތައް ހުރެގެން ޝެރަޓަން އައިލަންޑް ރިސޯޓު ނެގި 2 ޓެސްޓުގެ ނަތީޖާ ނެގެޓިވް ވެފައިވާތީ އެ ރަށްތަކުން މޮނިޓަރިންގްގެ ހާލަތުން ވަނީ ނެގިފައި.
— HPA Maldives (@HPA_MV) March 16, 2020
ރާއްޖެއިން މިހާތަނަށް 13 މީހަކު ކޮރޯނާއަށް ޕޮޒިޓިވް ވެފައިވާއިރު ރާއްޖޭގައި 30 ދުވަހުގެ މުއްދަތަށް އާންމު ސިއްހަތުގެ ކުއްލި ނުރައްކާ ވަނީ އިއުލާނު ކޮށްފަ އެވެ.
ރާއްޖެއިން ޕޮޒިޓިވް ކޭސްތައް ފެނިފައިވަނީ ކުރެއްދޫ އައިލެންޑް ރިސޯޓުން 5 މީހަކާއި ބަތަލާ ރިސޯޓުން 2 މީހުން، ކުރަމަތި ރިސޯޓުން 2 މީހުން، އަނަންތަރާ ދިގު ރިސޯޓުން 2 މީހުންނާއި އައިލެންޑް ސަފާރީ ބޯޓުނ ދެ މީހުންނެވެ.
