ގދ. ގައްދޫއިން ޑައިވިންގ އަށް ގޮސް އުޅެނިކޮށް އިއްޔެ ޑީކޮމްޕްރެޝަން ސިކްނަސް (ޑީކޯ)ގެ މައްސަލަ ދިމާވި ދެ މީހުން އިތުރު ފަރުވާއަށް ބަނޑޮސް ރިސޯޓަށް ގެންގޮސްފި އެވެ.
އެމްއެންޑީއެފް އިން ރޭ ބުނީ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ޑީކޯވެގެން ފަރުވާދެމުންދިޔައީ އުމުރުން 27 އަހަރާއި 39 އަހަރުގެ ދިވެއްސެއް ކަމަށެވެ. އަދި އެމީހުން އިތުރު ފަރުވާއަށް ރޭ ވަނީ އެމްއެންޑީއެފް ހެލިކޮޕްޓަރުގައި މާލެ ގެންގޮސްފަ އެވެ.
Dr. Abdul Samad Memorial Hospital gai Deco vegen faruvaa dhemungendhaa umurun 27 aharuge dhivessakaai, 39 aharuge dhivesseh ithuru faruvaa ah MNDF helicopter gai mirey Male' gennanee. Mi 2 meehun govaigen anna helicopter VIA ah land kurumah hamajehifaivanee mirey 1:45 haairu.
— Maldives National Defence Force (@MNDF_Official) November 18, 2019
އެމްއެންޑީއެފްގެ ހެލިކޮޕްޓަރުގައި ރޭ ދަންވަރުގެ ވަގުތެއްގައި ޑީކޯވި ދެ މީހުންވެސް އައިޖީއެމްއެޗްއަށް ގެންގޮސްފައިވާއިރު، މިއަދު ހެނދުނުގެ ވަގުތެއްގައި އެ ދެ މީހުން އިތުރު ފަރުވާއަށް ބަނޑޮސް އައިލެންޑް ރިސޯޓުގައި ހުންނަ ޑީކޮމްޕްރެޝަން ޗެމްބާ އަށް ގެންގޮސްފައިވާ ކަމަށް އައިޖީއެމްއެޗް އާއި ހަވާލާދީ “އަވަސް” ނޫހުން ރިޕޯޓު ކުރެއެވެ.
ނަމަވެސް، އެ ދެމީހުންގެ ހާލާއި ގުޅޭ އިތުރު އެއްވެސް ތަފްސީލެއް އަދި ނުލިބެއެވެ.
