ކޯލިޝަން ސަރުކާރަށް އެއް އަހަރު ފުރުމުގެ މުނާސަބަތުގައި، ކޯލިޝަންގައި ހިމެނޭ މޯލްޑިވްސް ރިފޯމް މޫވްމަންޓް (އެމްއާރުއެމް)ގެ ރައީސް، މައުމޫން އަބްދުލް ޤައްޔޫމް، ރައީސް އިބްރާހިމް މުހައްމަދު ސޯލިހަށް މަރުޙަބާ ދަންނަވައިފި އެވެ.
Congratulations President @ibusolih on the successful completion of one year of our coalition government. All at MRM join me in wishing you and the coalition many more years of achievement and selfless service to our people. @MRM_Office
— Maumoon Abdul Gayoom (@maumoonagayoom) November 17, 2019
މައުމޫން މިއަދު ކުރެއްވި ޓްވީޓެއްގައި ވަނީ ކާމިޔާބުކަމާއެކު ކޯލިޝަންގެ ސަރުކާރަށް އެއް އަހަރު ފުރުމާއި ގުޅިގެން ރައީސް ސޯލިހަށް މަރުޙަބާ ދަންނަވައިފި އެވެ. އަދި ރައީސް ސޯލިހާއި ކޯލިޝަނަށް މުސްތަޤްބަލުގައިވެސް ރައްޔިތުންނަށް ޚިދުމަތްކުރުމުގައި އާއި ކާމިޔާބީގެ ގިނަ އަހަރުތަކެއް ލިބުމަށް އެދިވަޑައިގެން، މައުމޫން ވަނީ އެމަނިކުފާނުގެ އަމިއްލަ ނަންފުޅުގައި އާއި އެމްއާރުއެމްގެ ހުރިހާ މެމްބަރުންގެ ފަރާތުންވެސް ރައީސް ސޯލިހަށް ތަހުނިޔާ ފޮނުއްވައިފަ އެވެ.
ރައީސް މައުމޫން އަކީ ރައީސް ސޯލިހު ރާއްޖޭގެ ވެރިކަމަށް ގެންނެވުމުގައި އެންމެ ބޮޑަށް މަސައްކަތް ކުރެއްވި އެއް ބޭފުޅެވެ.
ސަރުކާރު ހިންގާ ކޯލިޝަންގައި ހިމެނޭ ޕާޓީތަކަކީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)، އަދާލަތު ޕާޓީ (އޭޕީ)ގެ އިތުރުން މޯލްޑިވްސް ރިފޯމް މޫވްމަންޓް (އެމްއާރުއެމް) އަދި ޖުމްހޫރީ ޕާޓީ (ޖޭޕީ) އެވެ.
