ނޮވެމްބަރު 3 ގައި ރާއްޖެއަށް ދިން އުދުވާނީ ހަމަލާގެ މޭސްތިރިއާ ހ. ހާޖަރާގޭ އަބްދުﷲ ލުތުފީ، އޭނާގެ ނަމުގައި ހިންގަމުންދާ ޓުވިޓާ އެކައުންޓު މެދުވެރިކޮށް ދިވެހިން ކިބައިން މައާފަށް އެދެފި އެވެ.
ލުތުފީ ވަނީ އޭނާގެ ޝަރީޢަތް އަލުން ހިންގުމަށްވެސް ގޮވާލާފައެވެ. ދިވެހި ރައްޔިތުންނަށް މިއަދު ހަޤީގަތް އެނގެންޖެހޭ ކަމަށާއި އޭނާ ޖަލުގައި އެތައް އަހަރެއް ހޭދަކުރިއިރު އިލިޔާސް އިބްރާހިމަށް އެއްވެސް އަދަބެއް ލިބިފައިނުވާކަމަށް ލުތުފީގެ ޓްވީޓެއްގައިވެއެވެ.
“ޝަރީޢަތުގައިވެސް އަޅުގަނޑު މިވާހަކަ ދެއްކިން ނަމަވެސް އޭރުގެ އަނިޔާވެރި ސަރުކާރުން އަޅުގަނޑަކަށް ދިފާޢުވުމުގެ ފުރުޞަތެއްނުދޭ” ލުތުފީ ބުނެފައިވެއެވެ.
ލުތުފީ އިތުރަށް ބުނެފައިވަނީ ނޮވެމްބަރު 3 ގައި ރާއްޖެއަށް ދިން އުދުވާނީ ހަމަލާގެ އަޑީގައި ތިބި ބާރުގަދަ ފަރާތްތައް ދިފާޢުކޮށް އަދަބު ލިބުނު ފަރާތަކަށް އޭނާއާއި ނާޞިރު ހެދިކަމަށެވެ.
އަދި މިއަދު ރާއްޖޭގެ ޙާލަތު ބަދަލުވެފައިވުމާއެކު ލުތުފީގެ ޝަރީޢަތް އަލުން ކުރުމަށް ލުތުފީވަނީ ޓްވިޓާ މެދުވެރިކޮށްއެދިފައެވެ. އަދި އޭނާގެ ކުށެއްނެތްކަން ސާބިތުކޮށްދޭނެކަމަށްވެސް ލުތުފީވަނީ ބުނެފައެވެ.
ހ. ހާޖަރާގޭ އަބްދުﷲ ލުތުފީއަކީ ނޮވެމްބަރު 3 ގައި ރާއްޖެއަށް ދިން އުދުވާނީ ހަމަލާގެ އެއް މޭސްތިރިއެވެ.
