ދިރާގު ބްރޯޑް ބޭންޑް ޕެކޭޖު ހުސްވުމުން، ގަންނަން ލިބޭ ބޫސްޓަރ އަގުތައް 50 އިންސައްތަ އަށް ހެޔޮކޮށްފިއެވެ.
މިޕްރޮމޯޝަންގެ ދަށުން ދިރާގު ފިކްސްޑް ބްރޯޑްބޭންޑް ކަސްޓަމަރުން ފެއާ ޔޫސޭޖު އެލަވަންސަށް ދިޔުމުން ސްޕީޑު އަވަސްކޮށްލުމަށް ޑޭޓާ ބޫސްޓަރެއް ނެގޭނެ އެވެ. އެގޮތުން ވިޔަފާރިތަކާއި ގެތަކުގެ ކަސްޓަމަރުންނަށް ބޫސްޓަރު 50 ޕަސެންޓް ޑިސްކައުންޓުގެ ގޮތުގައި ލިބޭނެ ކަމަށް ދިރާގުން ބުނެފައިވެއެވެ.
ޕްރޮމޯޝަންގައި ތިން ޖީބީގެ ބޫސްޓަރެއް މިހާރު 15 ރުފިޔާއަށް ލިބޭ އިރު، އަށް ޖީބީގެ ބޫސްޓަރެއް 37 ރުފިޔާ 50 ލާރިއަށް ލިބޭނެއެވެ. 15 ޖީބީގެ ބޫސްޓަރެއް 65 ރުފިޔާއަށް ލިބޭއިރު 30ޖީބީގެ ބޫސްޓަރެއް 125 ރުފިޔާއަށް ލިބޭނެއެވެ. އަދި 75 ޖީބީގެ ބޫސްޓަރެއް 300 ރުފިޔާއަށް ލިބޭއިރު 100 ޖީބީގެ ބޫސްޓަރެއް 395 ރުފިޔާއަށް ލިބޭނެއެވެ.
ބިޒްނަސް ޕެކޭޖުގެ އަގުތަކަށް އަންނަ ބަދަލަށް ބަލާއިރު 15 ޖީބީގެ ބޫސްޓަރެއް 125 އަށް ލިބޭއިރު 30 ޖީބީގެ ބޫސްޓަރެއް 200 އަށް ލިބެއެވެ. 60 ޖީބީގެ ބޫސްޓަރެއް 375 އަށް ލިބޭއިރު 115 ޖީބީގެ ބޫސްޓަރެއް 500 އަށް ލިބެއެވެ. އަދި 230 ޖީބީގެ ބޫސްޓަރެއް 750 އަށް ލިބެއެވެ.
ބޫސްޓަރ ތަކަކީ، ޕެކޭޖުގެ ފެއަރ ޔޫސޭޖް އެލަވަންސަށް ރީޗްވެ ކަނެކްޝަން ލިމިޓް ވުމުން، ޕެޖޭޖްގެ ފުލް ސްޕީޑް އަލުން އެކްޓިވޭޓް ކޮށްލަދޭ ފީޗަރ އެކެވެ. ދިރާގުން ބުނެފައި ވަނީ ޕްރޮމޯޝަންގައި ބިޒްނަސް އަދި އާންމު ކަސްޓަމަރުންނަށް ބައިވެރިވެވޭނެ ކަމަށާއި، ކުރިއަށްދާނީ މި މަހުގެ ނިޔަލަށްކަމަށެވެ.
