އަންނަ ސަރުކާރުގައި ސިޔާސީ ދާއިރާގައި އުޅުއްވުމުގެ ވިސްނުމެއް ނެތް ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފު ވިދާޅުވެއްޖެއެވެ.
ޝަރީފް ވިދާޅުވީ އާ ސަރުކާރުން ވަޒީފާއެއް ހުށަހެޅުއްވިޔަސް އެފަދަ ފުރުސަތެއް ގަބޫލުފުޅުކުރެއްވުމަކީ ވަރަށް ދުރު ކަމެއް ކަމަށެވެ. ޝަރީފު ވިދާޅުވީ ކުރިޔަށް އޮތް ތަނުގައި ބޮޑަށް އުޅުއްވަން ބޭނުންފުޅު ވަނީ އަމިއްލަފުޅު މަސައްކަތުގައި ކަމަށެވެ.އަދި ޤައުމު ދޫކުރައްވައި ބޭރަށް ވަޑައިނުގަންނަވާނެ ކަމަށާއި އެފަދަ ސަބަބެއް ވެސް ނޯންނާނެ ކަމަށް އޭނާ ވިދާޅުވި އެވެ.
ސިޔާސީ ދާއިރާއާ ދުރަށް ވަޑައިގަންނަވަން ބޭނުންފުޅު ކަމަށް ޝަރީފު ވިދާޅުވި އިރު، އޭނާ އަކީ އިންތިހާބުގެ ކުރިން ރައީސް ޔާމީންގެ ވަރަށް އަރިސް ބޭފުޅެކެވެ. އިލެކްޝަންސް ކޮމިޝަނުގެ ރައީސް ކަމަށް ޝަރީފު ހަމަޖެއްސެވީ އޭނާ ފެނަކައިގެ އެމްޑީ ކަމުގެ މަގާމުގައި ހުންނަވަނިކޮށެވެ.
